مہ تے میں دیاں مستیاں-----٭ رویل شاعری٭

مہ تے "میں" دیاں مستیاں

ایہ"مہ تے میں" دیاں مستیاں نیں
مہ خانے وچ مستیاں مستیاں نیں

رل جاوے جد "میں" شراباں وچ
فیر دُونیاں ہندیاں مستیاں نیں

ایہناں مستیاں ہتھوں برباد ہونا
ہوئیاں سرمد تے ساغر جہیاں ہستیاں نیں

رانجھا چھڈ بھائیاں نوں فقیر ہویا
بھائی آکھدے ایہ کیہ مستیاں نیں

ہیر رل گئی یار نال مستیاں چ
فیر کرلاوے مستیاں مستیاں نیں

یوسف غم ہستی دا کیہ علاج دساں
ایہتے مٹی نال مٹی دیاں مستیاں نیں

٭٭٭٭٭