غزل ۔۔۔۔۔٭رویل شاعری٭

رونق میلے مُک جاندے نیں

ساہ جس ویلے رُک جاندے نیں

جیہڑے کہندے جان توں پیارا

لَوڑ پوے تے لُک جاندے نیں

بِیج کے جے نہ راکھی رَکھیئے

طوطے فصلاں ٹُک جاندے نیں

موڈھے چَوڑے نہ رَکھ بندیا

پچھلی عُمرے جُھک جاندے نیں

لِف جا جَھلیا، بچیا رہیں گا

آکڑے کِل سبھ ٹُھک جاندے نیں

کُجھ نہیں ایتھے تیرا میرا

سارے خالی بُک جاندے نیں

رشتے حاوی پَتراں وَرگے

جَھڑ جاندے جد سُک جاندے نیں

٭٭٭٭٭