شہباز خلاف خرچیا پیسا لوکائی اُتے خرچ ہونا چاہیدا سی: مریم اورنگزیب……٭رویل خبر٭

اسلام آباد (نیوز ڈیسک) مسلم لیگ (ن) دی ترجمان مریم اورنگزیب نے کہیا اے کہ عمران خان دی پوری کوشش اے کہ نیب تے ایف آئی اے نُوں استعمال کر کے شہباز نُوں جیل گھلے‘ ایسٹ ریکوری یونٹ صرف شہباز شریف نُوں جیل گھلن لئی بنایا گیا‘ جمعے والے دن پریس کانفرنس کردیاں ہویاں مریم اورنگزیب نے کہیا کہ عمران خان نُوں اقتدار دی کرسی اُتے بٹھان بدلے پاسکتان دی لوکائی ایہدی قیمت ادا کر رہی اے‘ بشیر میمن نُوں ڈی جی ایف آئی اے بنا کے نواز‘ شہباز‘ مریم نواز دے خلاف کیسز بنان لئی کہیا گیا‘ بشیر میمن دے انکار اُتے نیب چیئرمین نُوں استعمال کیتا گیا۔ نیب نیازی گٹھ جوڑ فیل ہویا تے ڈیوڈ روز نُوں باہروں سدیا گیا۔