قبربر دا سکون لوک برداشت کر رہے نیں: ریحام خان۔۔۔۔٭رویل خبر٭

فیصل آباد (نمایندا رویل) وزیراعظم عمران خان دی پچھلی گھروالی ریحام خان نے کہیا اے کہ مینوں سمجھ نہیں آندی سیاستدان جایز مطالبا کیوں نہیں سُن رہے‘ قبر دا سکون لوک برداشت کر رہے نیں‘ وزیراعظم اُڈ کے آئے نیں ایہناں نُوں سڑکاں دے حالات دا کیہ پتا اے‘ اللہ دا واسطا جے تُسیں اپنے حق لئی اواز چُکو‘ عام لوکاں نُوں 50 رُپئے لیٹر ہیلی کاپٹر دا پٹرول کوئی نہیں دیوے گا‘ پی ٹی آئی دے بلین رُکھ وی بڑے عجیب جہے نیں۔ ایہناں خیالاں دا اظہار اوہناں نے فیصل آباد پریس کلب وچ میڈیا نال گلبات کردیاں ہویاں کیتا۔ اوہناں نے کہیا کہ صحافت لئی بڑا اوکھا ویلا اے‘ اینکر دی سیلری تے بہت چنگی ہوندی اے پر ہیٹھلے طبقے دی سیلری بہت گھٹ ہوندی اے۔