پنجاب انسٹیٹیوٹ کارڈیالوجی وچ معیاد لنگھے سٹنٹس پان دا معاملا، 21 ڈاکٹرز‘ 19 نرساں تے 2 فارمسٹس قصور وار ……٭رویل خبر٭

لاہور (نمایندا رویل) پنجاب انسٹیٹیوٹ کارڈیالوجی وچ معیاد لنگھے سٹنٹس پان اُتے انکوایری کمیٹی نے 21 ڈاکٹراں‘ 19 نرساں تے 2 فارمسٹس نُوں قصور وار متھدیاں ہویاں پیڈا ایکٹ دے تحت کارروائی دی سفارش کر دِتی۔ نجی ٹی وی دے مطابق پنجاب انسٹیٹیوٹ آف کارڈیالوجی وچ روگیاں نُوں زائد المعیاد سٹنٹس پان دے معاملے اُتے انکوایری کمیٹی نے 21 ڈاکٹرز‘ 19 نرساں تے 2 فارمسٹس نُوں قصور وار مِتھ دِتا۔ غفلت دے مرتکب افسراں وچ گریڈ 19 تے 20 دے پروفیسرز وی شامل نیں۔تحقیقاتی کمیٹی دیاں سفارشاں اُتے وزیر اعلا نے پیڈ ایکٹ دے تحت کارروائی شروع کرن دی منظوری دے دِتی اے تے ذمے داراں نُوں 14 دن وچ اپنے دفاع وچ جواب جمع کراون دی ہدایت کیتی اے۔