حکومت ولوں جہانگیر ترین نُوں مناون دیاں کوششاں تیز ……٭رویل خبر٭

لاہور (نمایندا رویل) وزیراعظم عمران خان دے خلاف قومی اسمبلی وچ پیش کیتی جان والی متوقع تحریک عدم اعتماد دے حوالے توں اپوزیشن جماعتاں دیاں سرگرمیاں نُوں ویکھدیاں ہویاں وفاقی حکومت نے پاکستان تحریک انصاف دے ناراض آگو جہانگیر ترین نُوں مناون دیاں کوششاں تیز کر دِتیاں نیں۔ دَسیا گیا اے کہ پنجاب دی اِک انتہائی اہم شخصیت نے پی ٹی آئی دے ناراض آگو جہانگیر ترین نال رابطا قایم کر کے اوہناں نُوں وزیراعظم نال گلے شکوے دور کرن دی تجویز پیش کیتی اے ایہ وی پتا لگا اے کہ وفاقی حکومت نے جہانگیر ترین نال رابطیاں تے اوہناں نُوں مناون لئی 3 وفاقی وزیراں نُوں وی ٹاسک سونپ دِتا اے جہڑے وزیراعظم نال جہانگیر ترین دی ون آن ون ملاقات کروان گے۔