kraamaat@gmail.com
+ +92 333-430-6384
نمائندا رویل
March 14, 2022
گورنمنٹ اسلامیہ گریجوایٹ کالج ریلوے روڈ لاہور دا62واں کانووکیشن،اُچیچے پروہنے پروفیسرڈاکٹر نظام الدین سن۔۔۔۔۔۔۔۔٭رویل خبر٭ لاہور( نمایندا رویل)
گورنمنٹ اسلامیہ گریجوایٹ کالج ریلوے روڈ لاہور دا62واں کانووکیشن کالج دے حبیبہ ہال وچ ہویا حافظ انیس الرحمن نے تلاوت قرآن پاک دی سعادت حاصل کیتی۔نعت رسول مقبول بی ایس دے پڑھیار محمد عابد خان نے پڑھی ۔تقریب دے اچیچے پروہنے ڈاکٹر نظام الدین سن جو پچھلے چیئرمین ہائر ایجوکیشن کمیشن رہ چکے نیں اوہناں دے نال ڈائریکٹر کالجز سلیمان ہوریں وی سن ایہناں توں وکھ منچ اتے وائس پرنسپل جاوید خالد تے پرنسپل کالج پروفیسر طاہرجاویدوی موجود سن۔ایس تقریب وچ بی۔اے تے ایم ۔اے دی ڈگری لین والیاں پڑ ھیاراں نوں ڈگریاں دتیاں گئیاں ۔
ایس دے نال نال کالج پرنسپل ہوراں نے کالج دی اک سو تیہ ورھیاں دی تواریخ اُتے جھات پائیتے اجوکے سمے دےپڑھیاراں نوں مخاطب کردیاں ہویاں ویلے دی قدر کرن تے زور دتا تے کہیا ۔محمد وسیم۔عمر فاروق ولد نصر اللہ ۔حفیظ طاہر ولد طاہر جاوید ۔محمد وسیم ارشد ولد ارشد ۔عبدالوہاب ولد محمد صدیق ۔عمران مجید۔فاروق شمیم۔محمد احسان۔ ایم اے دے پڑھیاراں وچوں بلال احمد۔محمد وسیم بٹ۔حلیمہ یوسف۔ظفر شاہ۔محمد عدیل۔ثانیہ فدا حسین ۔اقصی کنول تے ہورناں پڑھیاراں نوں شیلڈاں تے سنداں دتیاں گئیاں ایس دے نال نال ریٹائرڈ ہوون والے اُستاداںشاہد امتیاز ۔جاوید اختر ۔زاہد محمود۔محمد رفیق۔حسیم جاوید بٹ تے ندیم اختر صدیقی (مرحوم) دی اہلیہ نوں وی شیلڈاں نال ستکاریاگیا۔ ایس تقریبدے اخیر اُپر پرنسپل پروفیسر طاہر جاویدہوراں نے یادگاری شیلڈ اُچیچے پروہنے پروفیسر ڈاکٹر نظام الدین نوں پیش کیتی۔ صدارتی خطبے وچ پروفیسر ڈاکٹر نظام الدین ہوراں دا کہنا سی کہ ڈگری علم نہیں سانوں ہور وی منزلاں ساہمنے رکھنیاں چاہیدیاں نیں تے علم حاصل کرن لئی جیون نوں مکمل طور تے وقف کردینا ات ضروری اے۔پوری تقریب دے بُلار دافرض پروفیسر زاہد اعوان ہوراں نے بڑے سچجے ڈھنگ نال ادا کیتے۔ایس رنگا رنگ تقریب دے مُکن تےگُرپ فوٹوواں وی بنوائیاں گئیاں ،پروہنیاں،پڑھیاراں تے اُستاداں دی سیوا لئی چاہ پانی دا پربندھ وی کیتاگیا سی۔
٭٭٭٭٭
