kraamaat@gmail.com
+ +92 333-430-6384


وزیراعظم عمران خان نال چٹان وانگوں کھلوتا آں: عثمان بزدار ……٭رویل خبر٭


نمائندا رویل March 24, 2022


لاہور (نیوز ڈیسک) وفاقی وزیر داخلا شیخ رشید نے کہیا اے کہ اپوزیشن اپنے وچھائے ہوئے جال وچ پھس چُکی اے‘ قانون ہتھ وچ لین دی کسے نُوں اجازت نہیں دِتی جا سکدی‘ ن لیگ لانگ مارچ دا شیڈول فراہم کرے۔ لاہور وچ وزیر اعلا پنجاب عثمان بزدار نال وزیر داخلا شیخ رشید نے ملاقات کیتی‘ جہدے وچ سیاسی امور‘ امن عاما دی صورتحال تے تحریک عدم اعتماد اُتے وچار وٹاندرا کیتا گیا‘ دوہاں آگوواں نے اپوزیشن ولوں سیاسی انارکی کھلارن دیاں کوششاں دی نندیا کردیاں ہویاں کہیا کہ تحریک عدم اعتماد دے دن اپوزیشن نُوں وڈا سرپرائز ملے گا‘ 27 مارچ نُوں اسلام آباد وچ لوکائی دا سمندر ہووے گا۔ وزیر اعلا عثمان بزدار نے کہیا کہ میرا جینا مرنا اپنی لوکائی دے نال اے‘ صوبے وچ لوکائی دی جان تے مال دے تحفظ لئی سارے ضروری اقدامات کیتے نیں‘ قانون دی عملداری نُوں یقینی بنایا گیا‘ وزیراعظم عمران خان نال چٹان وانگوں کھلوتا آں۔