مہنگائی وچ ہور وادھا‘ گھیو‘ چِٹے چنے 20 رُپئے مہنگے، شربت تے پکوڑِیاں وی مہنگیاں کر دِتیاں گئیاں ……٭رویل خبر٭

اسلام آباد (نیوز ڈیسک) رُپئے دی بے قدری نال مہنگائی دی رفتار ہور تیز ہو گئی‘ گھیو‘ کوکنگ آئل‘ چٹے چنے تے ہور لوڑی دیاں شیواں دیاں قیمتاں وچ فیر وادھا کر دِتا گیا۔ رُپئے دی بے قدری تے رمضان المبارک دی آمد آمد‘ ملک وچ مہنگائی دے سونامی نے رفتار ہو تیز کر دِتی۔ درجا اول دے گھیو دی قیمت وچ 5 رُپئے فی کلو وادھا کیتا گیا‘ جہدے بعد گھیو دی قیمت 450 توں ودھ کے 455 رُپئے فی کلو ہو گئی‘ مارکیٹ وچ سفید چنے دی قیمت 20 رُپئے کلو ودھا دِتی گئی جہدے نا ل چٹے چنے دے مُل 230 رُپئے فی کلو مقرر کر دِتے گئے‘ پکوڑیاں 80 رُپئے وادھے دے بعد 400 رُپئے فی کلو وچ دستیاب ہون گیاں‘ اِک لٹر شربت بوتل 10 رُپئے وادھے دے بعد 290 رُپئے دی کر دِتی گئی۔