kraamaat@gmail.com
+ +92 333-430-6384


میٹرک تے انٹرمیڈیٹ دے سپلیمنٹری پرچے نہ لین دا فیصلا……٭رویل خبر٭


نمائندا رویل March 24, 2022


لاہور (نیوز ڈیسک) محکما ہائر ایجوکیشن پنجاب نے تعلیمی بورڈز دے اہتمام ہیٹھ ہون والے میٹرک تے انٹرمیڈیٹ دے سپلیمنٹری پرچے نہ لین دا فیصلا کیتا اے ایس حوالے توں دَسیا گیا اے کہ نویں پالیسی دے تحت لاہور سنے پورے پنجاب دے سارے تعلیمی بورڈز میٹرک تے انٹرمیڈیٹ دے پرچے تعلیمی سال وچ 2 وار لیا کرن گے‘ پہلا امتحان تعلیمی سال شروع ہون دے فوری بعد تے دوجا امتحان ستمبر دے مہینے وچ لیا جاوے گا۔ پہلے سالانا امتحان وچ رلت نہ کرن والے امیدوار تے فیل ہون والے امیدوار ستمبر وچ ہون والے امتحان وچ رلت کر سکن گے تے ایس امتحان وچ کامیاب ہو ن والے امیدواراں دیاں سنداں اُتے ضمنی دا لفظ نہیں لکھیا جاوے گا۔