جہڑے بندے توں مسئلا ہووے آ کے مینوں دَسّو،ججاں اُتے انگلیاں چُکنا‘ الزامات لانا بند کرو: چیف جسٹس……٭رویل خبر٭

اسلام آباد (نیوزڈیسک) چیف جسٹس آف پاکستان جسٹس عمر عطاء بندیال نے بار کونسلز دے آگوواں دیاں تقریراں اُتے سخت رد عمل دیندیاں ہویاں کہیا کہ ججز اُتے انگلیاں چُکنا تے الزامات لانا بند کر دوو‘ جہڑے بندے اُتے اعتراض اے اوہدا ناں لوو‘ جہڑے بندے توں مسئلا ہووے آ کے مینوں دَسّو‘ میرے بوہے ساریاں لئی کھلے نیں‘ سپریم کورٹ دے سینئر جج جسٹس قاضی امین دی ریٹائرمنٹ دے حوالے توں منعقدا فل کورٹ ریفرنس نال خطاب کردیاں ہویاں اوہناں نے کہیا کہ پاکستان بار کونسل نے عمومی الزامات لاندیاں ہویاں ججز نُوں سرکاری ملازم کہیا‘ ججز نُوں سرکاری ملازم کہنا انتہائی غیر مناسب گل اے‘ اسیں سارے اللہ نُوں جواب دہ آں‘ وکلاء کیس تیاری کیتے بغیر عدالت توں رحم دی توقع رکھن تے انج نہیں ہو سکدا۔