کملی ۔۔۔۔٭رویل کالم٭

کملی ۔۔۔۔٭رویل کالم٭

الیاس عباسی

کملی اوس کُڑی دی کہانی اے جہڑی ساڈے سماج وچ اپنی ہوند نُوں قائم رکھن دی جتن کردی نظرآوندی اے جہنوں سماج دی پابندیاں دا ساہمنا اے جہڑی اپنے اکلاپے دی زنجیراں نوں توڑن دی کوشش کردی اے جہڑی سوہنی وانگوں کچے گھڑے تے چناؑ دیاں چھلاں نوُں پارکرن دا جتن کردی اے جہڑی ہارتوں اُکا نہیں ڈردیتے وصل لئی اگے ودھدی اے۔

کملی اوس دلیرکُڑی دی کہانی اے جہڑی سماج دیاں جھُوٹھیاں رِیتاں نُوں توڑنا چاہندی اے پنجاب دی دھرتی نے اجہی سوانیاں جمیاںنیںجہناں نے اپنے عشق راہیں فریب تے مکر نوںدی نندیا کیتیہِیرہووے یاں فیر سوہنی ہووے یاں فیرصاحباں داکردار ہی کیوں ناں ہووے ، ایہناں دی قربانی امررہی تے ایس دھرتی دے خمیرتوں لوہ پھُٹدی رہی۔

تواریخ دی ایہ کملیاں اج لوکائی وچ زندہ نیں جہناں سماج دیاں کھوکھلیاں رِیتاں نوں ردکیتا ایسے لئی تے امریتاپریتم ہوراں نوں وی ونڈویلے ہوئے ظُلم دے بارے ہیرنوں یادکردیا دُکھاں دانوحا لِکھ چھڈیا

اِک روئی سی دھی پنجاب دی، تولِکھ لِکھ مارے وین

اج لکھاں دھیاں روندیاں ، تینوں وارث شاہ نوں کہن

انسان ایس دُکھانت پاروں اندروں ای اندروں کھادا جاندااے اکلاپے دا دُکھ ڈاہڈا اے تے غیرفطری جبرانسانی حقاں دی کھُلی خلاف ورزی اے جہدے ساہمنے کھلوجانا کسے جہاد تو گھٹ نہیں ہوندا صباؑقمر نے اپنے کردارکملی نوں خوب نبھایا سرمدکھوسٹ تے اوہناں دی ٹیم اک اجہے سماج وچ نویکلی کاوش کیتی اے جہنے فلم بِیناں نوں سوچن تے بولن تے مجبورکیتا اے۔

ساڈی کمزورفلم انڈسٹری وچ کملی ورگی فلماں دا بننا ایس گل داثبوت اے کہ ایتھے ٹیلنٹ اتے تجربے دی کوئی تھوڑ نہیں کم کرن دی لگن ہونی چاہیدیاےتے عوام ولوں چنگا ریسپانس ملِدا اے۔

ہمیش توں آرٹ نے سماج دی ودھوتری وچ بھرویں رلت کیتی اے یورپ دی تحریک وچ فن تے فنکاراں دی رلت کسے توں ٖڈھکی چُھپی نہیںرہی۔

جے اسیں اپنے دیس ول جھات پائیے تاں نِرادُکھ ہوندا اے سترورھیاں وچ پہلی واری اسیں ایہنوں "صنعت" دادرجا دِتا کیوں جے اسیں چانن توں ڈردے آں سانوں ساحرلُدھیانوی، منٹو، حبیب جالب تے فیض توں ڈرلگدا اے شاید ایسے لئی ساحرلُدھیانوی ہوراں ساڈی نفسیات سمجھدے ہووے بمبئ دی بالی ووڈ انڈسٹری ول کُوچ کرگئے۔

اک ترک لکھاری دا مننا اے کہ اکلاپے دیاں پِیڑاں انسان نوں سوچن تے مجبورکردیندیاں نیں ایسے لئی فلم کملی وچ صباؑقمرتخیل توں اگے نکل جاندی اے جتھے اوس دا ہانڑی املتاس اپنے ناں وانگوں کھڑا دِسدا اے تے اوس دیاں پیڑاں تے ہجردی لمی رات مُک دی اے املتاس دے چمکیلے پھُل وانگوں کملیدی پھِکی زندگی وچ بہارآوندی اے تے اوہ کملی کُڑی سماج نال ٹکرلے لیندی اے ایس فلم دی کہانیکاراین سی اے دی پڑھیارفاطمہ ستارنیں جہناں اپنے قلم راہیں مووی نال انصاف کیتا اےفاطمہ نےبرٹش کونسل لائبریری لاہوروچ ہوئی اک تقریب دوران دسیا کہ کملی تے املتاس ورگے ناں رکھن مگروں مقصد سی جیویں املتاس پنجاب وچ عام اے تے تھوڑے سمے لئی ایہدے پھُلاں دی چاشنی ویکھن جوگی ہوندی اے۔

اج وی لہور تے امرتسرشہروچ پیلے تے چمکیلے املتاس دے پھُلسوہنے لگ دے نیں تے ایسے طراں خواجہ عثمان ہوراں املتاس دے رُوپ وچ کملی دی دُکھاں بھری زندگی نوں اگے ودھن دا حوصلہ دتا ایس مووی دا اِک شاندارکردار رانا عمیرہوراںولوں کیتا گیا میرےاُتے اوہناں دے کردارداایہناں اثرسی کہ میںاوہناں نوں ،،ملک صاحب،، دے ای ناں توں پُکاریارانا عمیر سٹیج میڈیم راہیں اپنی فنکارانہ صلاحیتیاں دا وکھالاکرچکے نیں تے سرمدکھوسٹ نے تجربے تے نویں ٹیلنٹ توں ودھیاپروڈکشن دتی اے۔

فلم ویکھن توں پتہ لگدااے کہ ٹیم ورک ہووے تے فیرکامیابی نوںنہیں روکیا جاسکداایہہ فلم آرٹ دا نمونہکیوں نہ ہووے جتھے کاسٹ توں ڈائریکٹرتیکرہرکسے نے رلت کیتی اے اجہے موضوع نوں نبھانا کوئی سوکھا کم نہیں جے لوکیشن دی گل کیتی جاوے تاں پوٹھوہاردے علاقے وچ ہوئی عکس بندی ودھیارہی ایہوکارن اے کہ سینمے وچ بیٹھے ہوئے تُسیں کہانی دے نال نال ٹُردے رہندےاوفلم دی موسیقی چنگی اے عاطف اسلم تے ریشماں دی اوازاں نے سوہنارنگ بھریا۔سانوں چاہیدا اے کہ اسیں سینما وچ جا کے فلم ویکھیے تاں جے ساڈی فلم انڈسٹری وی اجہے شاہکاربناوندی رہووے۔

٭٭٭٭٭