پروفیسر ڈاکٹر جمیل احمد پال ہوراں نوں اَدب دے کھیتر وچ تمغہء  امتیاز۔۔۔۔۔۔٭رویل خبر٭

پروفیسر ڈاکٹر جمیل احمد پال ہوراں نوں اَدب دے کھیتر وچ تمغہء امتیاز۔۔۔۔۔۔٭رویل خبر٭ اسلام آباد (اُچیچا نمایندا رویل) پنجابی زبان تے ادب دی سیوا وچ ہر لمحے رُجھے رہن والے جمیل احمد پال ہوراں نوں کون نہیں جاندا اے۔اوہناں دا جنم 21مارچ1958نوں ہویا۔اوہ پنجاب دے وکھ وکھ سرکاری کالجاں وچ پنجابی پڑھاندے رہے تے گورنمنٹ شالیمار کالج لاہور توں ریٹائرڈ ہوئے۔اوہ پنجابی کہانی دے کھیتر توں وکھ پنجابی پرچاکاری وچ وی جو پچھان رکھدے نیں اوہ گھٹ ای کسے ہور دے حصے وچ آئی اے۔مہینا وار ’سویر انٹرنیشنل‘ تے روز وار”لوکائی“ راہیں جتھے اوہناں نے اپنے جیون نوں ایہناں واسطے وقف کیتا ہویا اے اوتھے اوہ نویں لکھاریاں نوں وی پنجابی زبان وادب نال جوڑن وچ اپنا کردار ادا کردے رہندے نیں۔2018توں بعد ریٹائرمنٹ دے جیون وچ وی اوہناں نے پنجابی زبان تے ادب واسطے پہلے دی طرحاں ای کم چھوہیا ہویا اے تے روزوار ”لوکائی“ توں وکھ کہانی،ترجما،کالم،پبلشنگ دے نال نال پنجابی زبان دی ودھوتری واسطے رُجھے نیں۔ اجوکے سمے وچ پنجابی نثر دی ترقی وچ آپ دیاں سیواواں نوں کدے وی وساریا نہیں جا سکدا اے۔دیس دی اَزادی دے دیہاڑ پروفیسر ڈاکٹر جمیل احمد پال ہوراں نوں اَدب دے کھیتر وچ تمغہء امتیاز دین دا اعلان کیتاگیا تے پنجابی زبان و ادب نال جُڑے ہر سچے تے سُچے پنجابی واسطے اَزادی دا دیہاڑ دُونی خُشی والا ہو گیا۔