kraamaat@gmail.com
+ +92 333-430-6384
یحٰی شاہد
October 07, 2022
اِکو تھاویں وسن والے
نس نس کھیڈن ہسن والے
ودھ ودھ گلاں دسن والے
اکو وگ دا پور ہوندے نیں
سنگھنے رُکھ دا بور ہوندے نیں
سبھ دی اکھ دا نور ہوندے نیں
اِکو تھاویں وسن والے
جد کدی وی دور ہوندے نیں
رسماں ہتھوں چور ہوندے نیں
ڈاڈھے ای مجبور ہوندے نیں
ساکاں دے مزدور ہوندے نیں
ساہ وی بے سرور ہوندے نیں
اکو تھاویں وسن والے
ہجر وچھوڑا کھا جاندا اے
روگ اولے لا جاندا اے
لمے پینڈے پا جاندا اے
اکھ چ ساون آجاندا اے
ہاسے چکنا چور ہوندے نیں
اکو تھاویں وسن والے
جد کدی وی ملنا چاہون
اک تروپے سلنا چاہون
پیار سمندر ٹھلنا چاہون
پھلاں وانگوں کھلنا چاہون
اکو وگ دا پور ہوندے نیں
٭٭٭٭٭
