kraamaat@gmail.com
+ +92 333-430-6384


صغیر تبسم دا شعری پرا گا " اَساں چُپ نہیں وٹنی دھرتی تے " ۔۔۔۔۔رویل کالم


شکیل احمد December 22, 2022


صغیر تبسم دا شعری پرا گا " اَساں چُپ نہیں وٹنی دھرتی تے " ۔۔۔۔۔رویل کالم

شکیل احمد

sajeerbook.jpeg

صغیر تبسم پنجابی زبان دے منے پرمنے شاعر نیں اوہناں دا پہلا شعری پرا گا " قیدی سفنے " 2010 وچ شایع ہویا۔فیر 2018 وچ "جیوندیاں مردیاں آساں" تے 2020 وچ "کونجاں وچھڑن والیاں " ساہمنے آیا۔آپ دے شعری پرا گیاں نوں لہندے دے نال نال چڑھدے پنجاب وچ وسدے پنجابیاں نے وی بہت پسند کیتا اے تے اوہناں نے جگت پدھر دی نامنا وی کھٹی اے ایسے کر کے اوہناں دے شعری پرا گے گرمکھی وچ وی چھپ چُکے نیں۔

صغیر تبسم نے مختلف شعراء دے بارے گل بات کیتی اے اوہناں وچ اوہ شعراء نے بہتی گل وسیب دی کیتی اے۔ اوہناں اپنے مکدے جاندیاں رسماں رواج اوہ خوبصورت پنڈا دا سکون اے جس نے اوہناں نوں لکھن تے مجبور کیتا اے تے اوہ اوہ ایہناں دی پچھان اے تے اوہ انہاں نو مٹدا نہیں ویکھ سکدے ایس لی وسیب دی گل اوتے زیادہ گل بات کیتی اے۔ اوہناں نے بہاول نگر وسدے شعراء دی بہت تعریف کیتی اے تے ایہناں سبھناں شاعراں دی شاعری نوں واڈیا اے تے اوہناں خود دے کم وچ وی وسیب دے نال محبت دی جھلک ملدی اے-

صغیر تبسم ہوراں جتھے شاعراں دی گل کیتی اوتھے علاقے دیاں سوانیاں دی وی گل کیتی ۔ اوہ لکھارناں دی گل کردے نیں جہڑے بہاولنگر نال تعلق رکھدیاں نیں تے سوانی کیویں سماج نوں ویکھ دی اے،کیویں سوانی وسیب نوں بیان کردی اے،سوانی نے کیویں ساڈی رہتل نوں بیان کیتا اے ،سوانی اوس علاقے اندر رہندیاں ہویا کیویں اپنے آل دوال نوں بیان کردی اے۔صغیر تبسم ہوراں نے اپنے تنقیدی وچاراں وچوں اوہناں نوں بیان کیتا اے۔جیویں کہ اوہ ڈاکٹر فوزیہ چودھری دے بارے لکھدے نیں تے اوہناں دا انداز بڑا حقیقت پسندانا اے۔اوہناں اپنے وسیب دیاں دھوپاں، چھاواں،خشیاں،تےدکھاں نوں بڑےنیڑےہو کے ویکھیاں جدوں اوہدی نظر اپنے روندے تے کرلاندے سنجے ویہڑے ورگےشہر تےپنیدی تے اکھاں چے ہنجوں لیا کے آکھدی اے:

گلیاں سنجیاں سڑکاں سنجیاں

سنجے پئےبازار

ایہناں وچ جہڑے شاعر نیں اوہ بہت اہم نیں تے ایہناں نے جو کم کیتا اے اوہ بہت وڈیایا اے ایہو جہیاکم ہوندا رہنا چاہیدا اے ہر علاقے دے جہڑے شاعر نیں ادیب نیں یا ں لکھن والے نیں اوہناں نوں اکٹھا کرنا صغیر تبسم ہوراں دے اک باہمت لکھاری ہون دی دس پاندا اے۔

ایس کتاب دے کل صفحے 280 نیں تے مل 600 رپئے جس نوں پرنٹ میڈیا پبلیکشنز لاہور ولوں شایع کیتا گیا اے۔