سبھ مِٹی اے۔۔۔۔۔۔٭رویل نظم٭

"میں مِٹی آں

میں مٹی آں،

تُوں مٹی ایں

اوہ مٹی اے،

جگ مٹی اے

سبھ مٹی اے

مٹی توں ای گل شروع اے

جد مٹی دی سی ونڈ نہ کوئی

مٹی سبھ دی سانجھی سی

سبھ اپنی اپنی مٹی لےکے

رَل کے کھیڈاں بنادے سی

سارا دِن مٹی وچ ای رہندے سی

مٹی دی سی جنگ نہ کوئی

پر جد مٹی دی ونڈ سی پئی

مٹی اپنی اپنی ہوئی

سبھ رشتے مٹی وچ رُل گئے

فیر جگ تے مِٹیو مٹی ہوئی

فیر یاد آیا

جد مٹی توں ای بنے نیں سارے

مٹی وچ ای جانا اے

کھیڈ مٹی توں شروع ہویا سی

تے مٹی تے مُک جانا اے

نالے سبھ تے مٹی دا چولا اے

فیر مٹی دا کیوں رولا اے؟

جد میں مٹی آں،

تُو ںمٹی ایں

اوہ مٹی اے،

جگ مٹی اے

سبھ مٹی اے!!!

٭٭٭٭٭