جے رندھاوا ۔۔۔۔۔سجیل شبیر حسین

جے رندھاوا ۔۔۔۔۔سجیل شبیر حسین

پنجابی زبان دا وڈا تے سبھ توں گھٹ بولن والا اداکار تے گلوکار جے رندھاوا نوں منیا جان لگ پیا اےتے ایہناں دا اصل ناں بکرم جیت سنگھ رندھاوا اے۔ایہ 8 جنوری 1991ء نوں چڑھدے پنجاب دے شہر کپورتھلا وچ پیدا ہوۓ آپ نے اپنے کیریر دا آغاز 2010ء وچ بطور ٹی وی پریزنٹر چینل توں کیتا ۔

جے رندھاوا نے اپنا پہلا گانا "تھیٹھ گبھرو" 2016ء وچ گایا تے بہت مقبولیت حاصل کیتی .ایہی نہیں ہور وی بہت سارے پنجابی گانے آ چکے نیں . نِکی عمر ہون دی وجھا نال ایہ بُہتیاں فلماں گینگسٹر والیاں کر دا اے . ایہناں نے بطور ”گیسٹ اپیرنس“ دو فِلماں وچ کم کیتا .پہلی 2012ءوچ "برراہہ" تے دوجی "تیجا پنجاب"اے .تے فیر سبھ توں وڈی فِلم جہدے وچ بطور ہیرو دا کردار ادا کیتا ۔اوس فِلم دا ناں ایہ ”شوٹر“ تے ایہ فِلم بلاک بسٹر رہی اے ۔ایس فِلم دا گانا بلاک بسٹر ہون دے نال نال فِلم دے مکالمے وی بہت مشہور نیں ۔ جے رندھاوا دی جاندی کار نوں اِک ٹریکٹر والے کولوں جھریٹ لگ جاندی اے ۔تے ایہ باہر نکل کے اوس نوں گالھ کڈھ دیندا اے تے اوں بنداآکھدا اے کہ ” لکڑ دے بالے ورگا تیرا شریر (جسم Body ) اے آکڑ دیکھ کِنی چکی پھیردا اے جے رندھاوا پستول کڈھ کے اوس دے دماغ وچ گولی مار کے موقع تے ای مار دیندا اے تے فیر اوس دے کن وچ آکھدا اے کے ”لکڑ دے بالے تے پت گھراں دیاں چھتاں ٹِکیاں ہوندیاں نے بندہ مارن لئی شریر نہیں جِگرا چاہیدا اے ۔"

شوٹر فِلم وچ وکھائی جان والی چیز یاری دوستی اے ۔ تے رندھاوا یاری دوستی نوں اپنے پیار تے فوقیت دیندا اے ۔تے فیر رندھاواے دا اِک دوست یار مار کر دیندا اے کیوں جے اوہ رندھاوے دی فین فولونگ توں سڑ دا اے ۔تے (شوٹر ) فلم وچ سبق ایہ وے کہ یار ای غدار ہو جاون تے بندہ ہار جاندا اے ۔

2023ء وچ فِلم آئی اے"چوبر" تے ایس وچ وی گینگسٹر دا کردار اے ۔تے ایہدے وچ سبق ایہ کہ انسان ماں دے ڈِھڈھوچوں گینگسٹر نہیں بن کے آندا سگوں معاشرے دیاں نا انصافیاں تے فیر آون والیاں اوکڑاں تے مجبوریاں انسان نوں ایہ کم کرن تے مجبور کر دیاں نیں ٗ آپ دیاگلی فِلم 2جون 2023ء نوںآرہی اے ”میڈل “ تے اُمید اے کہ ایہ وی بہت ودھیا ہووے گِی ۔

٭٭٭٭٭