پنجواں سمسٹر .قِصہ سوہنی مہینوال دے مختصر سوال جواب۔۔۔۔٭رویل پڑھائی لِکھائی٭

س۔صنعت تکرار توں کیہ مراد اے؟

جواب: تکرار دا مطلب ہوندا اے وار وار آنا۔شاعر صنعت تکرار نال اپنے کلام نوں چار چن لاندا اے ایس طرحاں اوہ شعراں وچ لفظاں نوں وار وار لیا کے بلکل ای وکھرا مطلب پیش کردا اے۔

ولی دِلاں دے ول نوں صاف کر کے وَل کرن دا وَل سِکھا دیندا(فضل شاہ نواں کوٹی)

س۔صنعت تجنیس کیہ اے؟

جواب: تجنیس دے معنی نیں اِکو ای جنس دا یاں اِکو ای قسم دی شے۔جدوں کسے شعر وچ دو لفظ اُچارن وچ اِکو جہے آ جاون پر اوہناں دے مطلب وکھرے وکھرے ہوون تاں ایس نوں صنعت تجنیس کہندے نیں۔ جِویں فضل شاہ نواں کوٹی لِکھدے نیں:

وَلاں والیاں اوس دیاں والیاں نے لیا لُٹ جہان دے والیاں نوں

س۔صنعت مبالغہ دی تعریف کرو؟

جواب: ایہدے وچ شاعر اپنے کلام وچ حدوں ودھ تعریف نال سُہپن پیدا کردا اے،

افلاطون لقمان شاگرد اوسدے،عقل ہوش دا بہت ہُشیار آہا

س۔فضل شاہ نواں کوٹی کول کیہ کمال اے؟

جواب: آپ نوں فی البدیع شعر کہن وچ کمال حاصل سی۔

س۔فضل شاہ نواں کوٹی نوں کیہ لقب ملیا اے؟

آپ نوں فارسی زبان دے عظیم شاعر حضرت نظامی گنجوی دی نسبت نال '' پنجابی دا نظامی'' کہیا جاندا سی۔

س۔فضل شاہ نواں کوٹی نے سوہنی مہینوال دا قصہ کدوں لکھیا؟

ایہ قِصہ 1848 وچ لِکھیا گیا تے ایس نوں پہلی وار 1864 وچ چھاپیا گیا سی۔

س۔شعری صنعتاں دا بادشاہ کس نوں آکھیا جاندا اے؟

جواب: فضل شاہ نواں کوٹی

س۔باراں ماہ توں کیہ مراد اے؟

باراں ماہ اجہی شعری صنف اے جہدے وچ دیسی مہینیاں دا ذکر آندا :ایہ دیسی مہینے انج نیں: 1۔چیتر(چیت)۔2۔وساکھ۔3۔جیٹھ۔4۔ہاڑ۔5۔ساون۔6۔بھادوں۔7۔اسوں۔8۔کتیں۔9۔مگھر۔10۔پَوہ۔11۔ماگھ۔12۔پھگن۔

س۔افلاطون دی کتاب دا ناں دسو؟

جواب: جمہوریہ

س۔فضل شاہ نواں کوٹی توں پہلاں کہڑے شاعراں سوہنی مہینوال لکھی؟

جواب: ہاشم شاہ۔احمد یار۔قادر یار۔

س۔ پیر محمد غوث علی شاہ نے سوہنی دی ماں دا کیہ ناں لکھیا؟

جواب: انوار بیگم۔

س۔ کس شاعر نے اپنے لکھے قصے وچ لکھیا کہ مہنیوال دے پیو نے اوہنوں قید کیتا۔

جواب: محمد علی فیلسوف۔

س۔ نتھونائن کون سی؟

جواب: ایہ اوہ سوانی سی جس دی مدد نال سوہنی مہینوال آپس وچ ملے۔

س۔ کس نے لکھیا کہ سوہنی دی سہیلی ملوانیاں دی کڑی سی۔

جواب: سید خیزی شاہ

س۔مادھوڈاکو تے جنکی دا قصہ کِس نے سوہنی مہینوال دے قصے وچ شامل کیتا۔

جواب: سلیم شاہد۔

س۔اسماعیل قلندر دے مطابق عزت بیگ دا وڈا بھرا کون سی؟

جواب: فرخ بیگ۔

س۔اسمعیل قلندر دے مطابق فرخ بیگ دی بھین کون سی۔

جواب: گل بار۔

س۔سوہنی مہینوال دی روایتی کہانی کس شاعر کول اے؟

جواب: ہاشم شاہ، فضل شاہ، میاں محمد بخش وغیرہ۔

س۔میں تے اپنی سوہنی نوں جد ندیوں پار بلاواں گا\میں تے اپنی سوہنی نوں فر چِکن بروسٹ کھواواں گا......کس شاعر دا شعر اے۔

جواب: جی اے شاہد۔

س۔سوہنی مہینوال دا قِصہ کس دَور نال جوڑیا جاندا اے۔

جواب: شاہ جہان۔

س۔عزت بیگ کس علاقے دا سوداگر سی؟

جواب: بلخ۔

س۔جنکی دا سوہنی نال کیہ رشہ دسیا گیا۔

جواب: تائے دی کُڑی سی۔

س۔کس فقیر دی دُعا نال عزت بیگ گھر پتر جمیا۔

جواب: سید شیخ احمد فقیری۔

س۔مہینوال نوں مجھیوال کس شاعر نے ناں دتا؟

جواب: اسماعیل قلندر۔

س۔سبھ توں ودھ کس شاعر نے قِصہ سوہنی مہینوال وچ تبدیلیاں کیتیاں سن؟

جواب: سلیم شاہد۔

س۔قاضی دا ناں کیہ سی؟

جواب: میاں فیض احمد۔

س۔میاں سراج الدین سراج نے مہینوال دے غلام \نوکر دا کیہ ناں لکھیا؟

جواب: زَلو۔

س۔فیروز دین شرف نے سوہنی دے سوہرے دا ناں کیہ لکھیا؟

جواب: غنی۔

س۔سوہنی دی منگنی اوہدے چاچے پھجے دے منڈے برکت علی عرف بکو نال ہوئی کس نے لکھیا۔

جواب: اسماعیل قلندر۔

س۔مہینوال نے تلے دے بنائے بھانڈے وچ خامیاں کڈھیاں سن، ایہ کس شاعرنے لکھیا؟

جواب: گھیلا رام۔

س۔کہڑے شاعراں بارے گویڑ لایا جاندا اے کہ اوہناں نے پہلاں سوہنی مہینوال دا قصہ پنجابی وچ لکھیا؟

جواب: صاحب سنگھ۔مہر سنگھ۔

س۔کِس مسلمان لکھاری نے سبھ توں پہلاں سوہنی مہینوال دا قصہ پنجابی وچ لکھیا۔

ہاشم شاہ۔

س۔مہینوال تے ککھڑاں نے کس دے کہن تے حملا کیتا سی؟

جواب: مادھو ڈاکو۔

س۔ویاہ توں بعد سوہنی نے اپنے خاوند نوں جڑی بوٹی سُنگھائی،ایہ کس شاعر نے لکھیا۔

اندر سنگھ۔

س۔لف و نشر دا کیہ مطلب اے؟

جواب: پہلے شیواں دا ذکر کرنا، فیر اوہناں نوں بیاننا۔اِک مصرعے یاں شعروچ لپیٹ کے گل کرنا تے دوجے مصر عے یاں شعر وچ ایہناں لفظاں نوں کھول کے بیان کرنا۔

س۔سوہنی دے گھڑے نوں کس شے دی علامت دسیا گیا اے؟

جواب: گھڑے نوں پِیر تے وسیلیدی علامت دسیا گیا اے۔

س۔ سوہنی کس دی علامت اے؟

جواب: سوہنی مُرشد دی علامت اے۔ایہ سوہنی ای اے جو اپنے مقصد نوں کدے وی نہیں وساردی اے تے اوہدے واسطے ہر قسم دے حالات دا مقابلا کرن لئی ہر ویلے تیار رہندی اے۔اوہ اپنے آپ نوں چنھاں دیاں چھَلاں دے سپرد کر دیندی اے۔

س۔مہینوال قِصے وچ کس شے دی علامت بناد اے؟

جواب: مہینوال مرید دی علامت اے۔

س۔کس شاعر نے لکھیا کہ مہینوال نوں مچھیاں نے مشورہ دتا کہ ساڈا گوشت کھواون دی تھاں اپنا پَٹ چِیر تے سوہنی نوں کھوا؟

جواب: میاں عاطف غفور سوہلوی۔

س۔سوہنی دی ننان (نند) دی علامت کیہ اے؟

جواب: اوہ علامت اے جیہڑی اگے نہیں ودھن دیندی اے ایہ اوس دی ننان ای اے جو پکّے گھڑے دی تھاں کچا گھڑا اوسے تھاں تے لکو دیندی اے جتھے سوہنی اپنا پکّا گھڑا لکوندی ہوندی سی۔سوہنی اوسے ای کچے سہارے نال چنھاواں دیاں کانگاں وچ ڈُب مردی اے۔