سُکھ دی گھڑی ۔۔٭رویل نظم٭

سُکھ دی گھڑی

میں اوہنوں اپنی ٹائی دی ناٹ وچ

بنھن دی کوشش وچ ساں

اوہ دُھپ دا ٹکڑا

میرے کھیسے وچ پاکے ہسن لگ پئی

میں جدوں گھروں نکلیا...

اوہ میری کار دی نال والی سیٹ تے

ربی شیر گل دے گیت سن رہی سی

فیر اوہ مینوں دفتری رُجھاں وچکار

ٹی بریک دوران نظریں پئی

شامیں اک دوست دے آکھن تے

میں اوہنوں پب وچ ملن گیا

تے اوہ مسجد دے سپیکراں وچ چھنکن لگ پئی

میریاں نمازاں میرے متھے وجیاں

تے میں نشے وچ سارے سجدے روڑھ دتے

راتیں گھر واپسی تے

اوہ خشی خشی مینوں اگلواہنڈی ہو ملی

پر اودوں میرے اپنے مونہہ تے بارھاں وجے ہوئے سن

٭٭٭٭٭