جے جٹ وِگڑ گیا۔۔۔۔٭رویل لیکھ٭

جے جٹ وِگڑ گیا۔۔۔۔٭رویل لیکھ٭

سجیل شبیر حسین

جے جٹ وِگڑ گیا فِلم جہد مرکزی کردار ادا کرن والےاداکاردا اصل ناں جے رندھاوا اے ۔ ایس دیاں فِلماں دیاں توں ایویں لگدا اے کہ اے پنجابی فِلماں دا سلمان خَاں اے تے ایس دی فِلم جے جٹ وِگڑ گیا وچ ساڈے ساہمنے تِن چیزاں جہڑیاں مرکزی اَوازاں نیں اوہ ساہمنے آوندیاں نیں ۔

اک بے بسی کہ جدوں انسان بے بس ہو جاندا اے تے اوہ اوس دا سبھ توں ماڑا ویلا ہوندا اے کیوں فِلم دے حساب نال گل کریے تے جے رنداھاوا تے اک ایسا ویلا آؤندا اے کہ اوس نوں اپنے دشمن دے پیر پھڑنے پیندے نیں کہ اوس دی اک ای بھین ہوندی تے اوس دا ویاہ ہویا ہوندا اے تے اوہ گابھن ہوندی اے تے اوس دے دشمن جہڑے کہ سیوا شکتی ہسپتال دے مالک ہوندے نیں تے اوہ انڈیا دے تمام ہسپتالاں وچ فون کر کے اوس دا علاج کرن توں انکار کردے نیں ۔فیر اِک دم اوس نوں فون آؤندا اے کہ اگر اپنی بھین دی زندگی چاہنا اے تے ساڈے آ کے پیری ہتھ لا جے رندھاوا بے بس ہو کے اوہدے کول جا کے معافی منگدا اے تے فیر اوس دی بھین دا علاج ہوندا فیر رندھاوا ہسپتال جاندا اے تے اوس دی بھین بچے نوں جنم دے کے آپ علاج لیٹ ہون دی وجھاتوں ایس دنیا توں چلے گئ ۔ فیر رنداھاوا آکھدا اے :

”مر تے اوہ وی جاندے نیں جہڑے مَر مَر کے جیوندے نیں “۔

فیر دوجی گل سسٹم دی رندھاوا اِک ڈاکٹر نوں آکھدا اے کہ ڈاکٹر کِنے ظالم نیں جہڑا اوس دی بھین دا علاج کردا اے اوہ آکھدا اے کہ ڈاکٹر ظالم نیں ۔ سسٹم خراب ہوندا اے کیوں جس طرحاں مالک کہندا اے اوس طرحاں کرنا پیندا اے کہ اِک دفعہ کسے ڈاکٹر نے اَواز چکی سی اوس دی اَواز ہمیش لئی بند کر چھڈی سی ۔ڈاکٹر تے جیب وچوں پیسے لا کے لوگاں دا علاج کردے نیں تا ں جے انسانیت دی جان بچ سکے ۔

تیجی گل اے سرکاری ہسپتالاں دیاں سہولتاں دی کہ جہڑیاں پرائویٹ ہسپتال دی نسبت کجھ وی نہیں نیں کیوں جے رندھاوے نیں فِلم وچ دسیاں کہ جہڑا وی سرکاری ہسپتال جِس وی علاقے وچ ہوے گا اوس علاقے دا ایم ایل اے (MPA\MNA ) اوس دے عروج تے زوال دا ذمےدار ہوے گا کیوں جے ایہناں کول فنڈ آندے نیں ہر سرکاری کم دے ہر چھے مہینے یا ں اِک ورھے بعد ۔

اخیری گل ایہ وے کہ سال 2024 دی بلاک باسٹر فِلم رہی اے (IMBd) دے مطابق 82521 ڈالر دا کاروبار کیتا بجٹ 1.5 کروڑ سی ۔