بھٹو دی بیٹی آئی سی۔۔۔۔٭رویل نظم٭

بھٹو دی بیٹی آئی سی۔۔۔۔٭رویل نظم٭

(عباس اطہر)

بھٹو دی بیٹی آئی سی

ظلم دیاں زنجیراں توڑن،

مظلوماں دے رشتے جوڑن،

دکھ دے دریاواں چوں گزر کے،

اپنی جان تلی تے دھر کے

بھٹو دی بیٹی آئی سی، انج جان وی نذر چڑھائی سی،

سارے جگ وچ پئی دہائی سی، بھٹو دی بیٹی آئی سی

پھانسی گھاٹ توں علم اٹھایا سی،

نالے جنگ دا بِگل وجایا سی،

جہناں بچے اوہدے رلا دِتے،

دوویں ویر وی قتل کرا دِتے

اوہناں پنڈی گھات لگائی سی، اِک سازش لکھی لکھائی سی،

سارے جگ وچ پئی دہائی سی، بھٹو دی بیٹی آئی سی

چَوی(٢٤) سال دی عمرے جنگ چڑھی،

تیہ (٣٠) سال کفن سِر بن کے لڑی،

نہ اوہ کارساز بمباں توں ڈری،

سج دہج نال مقتل وچ اتری

جدوں قاتلاں گل مکائی سی، روئی اتھرواں نال خدائی سی،

سارے جگ وچ پئی دھائی سی، بھٹو دی بیٹی آئی سی

کِسے بے نظیر فیر آوناں نہیں،

لوکاں عشق دا میلا لاوناں نہیں،

چارے صوبیاں دی زنجیر بنی،

نالے ملک دی او ہ تقدیر بنی

جِنے جِندڑی اودی بنائی سی، اونے اِنج دی لکھی جدائی سی،

سارے جگ وچ پئی دھائی سی، بھٹو دی بیٹی آئی سی

آئی سی اِنج آئی سی، عمراں دی پئی جدائی سی

٭٭٭٭٭