مِیرا نے کہڑے میدان وچ آون دا فیصلا کیتا اے؟ـــــ رویل

لاہور(رویل نیوز)میرا نے اداکاری مگروں گلوکاری دے میدان وچ قسمت ازمان دا فیصلا کر لیا۔تفصیل دے مطابق لالی ووڈ سٹار میرا نے اداکاری مگروں گلوکاری دے میدان وچ قسمت ازمان دا فیصلا کیتا اے۔میڈیا رپورٹ دے مطابق ادکارا دا آکھنا اے کہ اوہناں نے گلوکاری دی باقاعدا تربیت لینی شروع کر دتی اے تے اج کل ریاض کررہیاں نیں۔میرا دا آکھنا اے کہ گلوکاری دے میدان وچ دھواں دار انٹری دا اعلان چھیتی پریس کانفرنس راہیں کراں گی۔