فعل حال Present Indefinite Tense

ایہ اوہ فعل اے جہدے وچ موجودہ زمانے وچ کم دا ہونا،کرنا یا سہنا پایاجا ئے جویں کہ

علی چاہ پیندا اے۔

اوہ سکول جاندی اے۔

اسیں کتاب پڑھدے آں۔

اوہ پُھل توڑدے نیں۔وغیرا وغیرا

واحد فقرات دی انگریزی بناون دا طریقا:

subject+1st verb (s/es) + object

ایس وچ یاد رکھن والی گل ایہ ہے کہ جے فقرا واحدآئے گا تاں فعل نال (s/es) دا وادھا ہووے گا

٭اجہے انگریزی دے لفظ جو s.es.ss.o.x.ch.h تے مُکن اوہناں نال esدا وادھا ہووے گا جویں goدے نالes لاواں گے تے goesبن جاوے گا۔ایہناں توں وکھ باقی لفظاں نال صرفs دا ای وادھا ہووے گا جویں workنال s دا وادھا ہووے تے worksبن جاوے گا۔

اوہ سکول جاندی اے۔ ۔ She goes to school

علی چاہ پیندااے۔ . Ali takes tea

نفی والے واحد فقرات دی انگریزی بناون دا طریقا:

subject+ does not +1st verb+ object

ایہدے وچ یاد رکھو کہdoes not تے پہلی فارم ورتی جاوے گی،جویں کہ

اوہ سکول نہیں جاندی اے۔ . She does not go to school

علی چاہ نہیں پیندااے۔ . Ali does not take tea

سوالیاواحد فقرات دی انگریزی بناون دا طریقہ:

سوالیہ فقرات نوں انگریزی وچ بناون لئی Doesنوں فقرے دے مُڈھ وچ رکھیا جاوے گا تے فقرے دے اخیر اُتے ؟ سوالیہ نشان لازمی لگے گا۔جویں کہ

?Does+subject+ 1st verb+object

کیہ اوہ سکول جاندی اے؟ ?Does she go to school

کیہ علی چاہ پیندا اے؟? Does Ali take tea

٭ دُہرا سوالیہ بناون واسطےwhy,when,where,whom,who,how نوں Doesتوں پہلاں لایا جاوے گا جویں

اوہ سکول کیوں جاندی اے؟ ? Why does she go to school

علی کدوں چاہ پیندااے ؟ ? When does Ali take tea

( لڑی وار:جمع واسطے نفی تے سوالیا فقرات کویں بنائے جاون گے ایس بارے اگلے سبق وچ)