سارے سرکاری ملازماں دیاں تنخاہواں برابر کرو: چیف جسٹس۔ سرکاری ملازماں وچ خُشی دی لہر۔۔۔ کدھرے 100 فیصد تے کدھرے 20 فیصد کس قانون نال۔۔۔۔۔ــــ رویل نیوز 

اسلام آباد (نمائندا رویل) ملک دے چیف جسٹس جناب گلزار احمد ہوراں دی اگوائی وچ بنے 2 رکنی بینچ نے ملازمین دے الاؤنس دے کیس نوں سُندیاں ہویاں سرکاری اداریاں وچ کم کردیاں ملازماں دیاں گھٹ ودھ تنخاہواں بارے نوٹس لیندیاں سوال چُکیا اے کہ انج کیوں ہو رہیا اے سارے ملازماں دیاں تنخاہواں برابر ہونیاں چاہیدیاں نیں کیوں جے ایہ حکومت دا کم اے کہ سارے سرکاری ملازماں نوں برابر دا متھیا جاوے۔چیف جسٹس ہوراں دا ڈپٹی اٹارنی جنرل نوں کہنا سی کہ ایس بارے وی دسیا جاوے کہ ریونیو ڈویژن نوں 100 فیصد تے اکاؤنٹ نوں 20 فیصد الاؤنس دتا جاندا اے تے ایہ سبھ کس قانوں دے تحت ہو رہیا اے ۔ایس خبر نال سرکاری ملازماں وچ خشی دی لہر آ گئی اے پر ایہ وی چیتے رہوے کہ سردیاں دیاں چھٹیاں تک ایس مقد مے دی اگوں کارروائی نہیں ہو سکے گی۔