پنجابی سنگت پاکستان دا الیکشن،نصیر احمد ، جنرل سیکرٹری تے ڈیوڈ پرسی ،جوائنٹ سیکرٹری بن گئے ــــــ رویل نیوز 

لاہور (نمائندا رویل ) پنجابی سنگت پاکستان دے الیکشن وچ کُل ووٹ 296 سن جد کہ 107 ووٹ کاسٹ کیتے گئے جہناں وچوں چھے ووٹ کینسل ہوئے ۔نصیر احمد تے ڈیوڈ پرسی دے مقابلے وچ یحیٰ شاہد تے نذیر عباس سن دوواں دِھراں نے الیکشن واسطے پلاک اندر ادیباں شاعراں نوں اکٹھا کرن دا سربندھ کیتا ۔الیکشن کمیشن دے سربراہ ناصر بلوچ ہوریں سن جد کہ ڈپٹی الیکشن کمیشن مسعود خالق سن۔نتیجے دے باقاعدا اعلان بعدوں مٹھیائی تقسیم کیتی گئی تے سارے اُمیدواراں نے اپنے اپنے وچار وی سانجھے کیتے۔