ملالہ دے جیون بارے فلم " گل مکئی " بارے کیہ اعلان کر دتا گیاــــــ رویل نیوز

لاہور (نیٹ نیوز) جگت پدھر تے اپنی پچھان رکھن والی ملالہ یوسف زئی دے جیون بارے فلم دی تیاری اج توں دو ورھے پہلاں ہونا شروع ہو گئی سی۔ ایس فلم دی شوٹنگ کشمیر وچ کیتی گئی اے کشمیر دے حالات دی خرابی پاروں ایس فلم وچ دیری ہوئی اے۔ایس فلم وچ چنگی تگڑی کھوج نال کم لیا گیا اے تے حقیقت نون وڈی سکرین تے وکھاون بارے جتن کیتے جا رہے نیں چیتے رہوےایس فلم دے کردار نبھاون والے اداکاراں وچ دیویا دتہ،اعجاز خان،مکیش رشی ،اتل کلکرنی تے ہور نیں جد کہ ملالہ دا کرداد ریم شیخ کر رہی اے۔ ایس فلم بارے اک وڈا اعلان ایہ کیتا گیا اے کہ چڑھدے ورھے ایہ فلم 31 جنوری نوں سینمیاں وچ وکھان لئی ریلیز کر دتی جا ئے گی ایس اعلان نال بائیو پک فلم ویکھن والیاں دی تانگھ مکی اے تے ہن اوہناں نوں 31 جنوری دی اُڈیک اے۔