kraamaat@gmail.com
+ +92 333-430-6384


(انگریزی کویں سکھیے؟(تیجا سبق


Choose Writer ... December 31, 2019


فعل ماضی Past Indefinite Tense

فعل ماضی: ایہ اوہ فعل اے جہدے وچ لنگھیا ہویا ویلا ہوندا اے تے ایہدے وچ لنگھے ہوئے ویلے وچ کیتے ہوئے کم نوں بیان کیتا گیا ہوندا اے جویں کہ

اکرم نے چاہ پیتی۔

اوس نے خط لکھیا۔

میں بوہا کھولیا۔

اوہناں نے جھوٹھ بولیا۔

پچھان : پنجابی وچ ایہناں جُملیاں دے اخیر تے یا ،ی،ئے،ے وغیرا آوے گا۔

سادے جُملےSimple Sentnces

ایس طرحاں دے فقریاں نوں انگریزی وچ ترجما کرن لئی ایہ طریقا ورتیا جاوے گا۔

فاعل دے بعد دُوجی فارم لگے گی تے فیر مفعول آوے گا۔

subject+2nd verb+ object

ہُن ایہناں دی انگریزی بنا کے ویکھنے آں:

اکرم نے چاہ پیتی۔ .Akram took tea

اوس نے خط لکھیا۔ .She wrote a letter

میں بوہا کھولیا۔ .I opened the door

اوہناں نے جھوٹھ بولیا۔ .They told a lie

٭٭ایہ چیتے وچ ضرور رکھو کہ ایہ ای اِکو اِک tense فعل ماضی اے جہدے وچ دوجی فارم/2nd verb ورتی جاندی اے تے ایس نوں وی بس سادے جُملے وچ ورتیا جاندا اے جد کہ نفی والے تے سوالیا فقرات اُ صول وکھرے ہوون گے۔

منفی جُملے Negative Sentences

نفی والے فقرات بناون لئی اُصول:

ایہدے وچ فاعل توں بعد did not آئے گا فیر پہلی فارم /1st verbلگے گا تے بعدوں مفعول آوے گا۔ جویں کہ

subject+ didnot +1st verb+ object

ہُن پنجابی دے جُملیاں دی انگریزی انج بنے گی۔

اکرم نے چاہ پیتی۔ .Akram did not take tea

اوس نے خط لکھیا۔ .She did not write a letter

میں بوہا کھولیا۔. .I did not open the door

اوہناں نے جھوٹھ بولیا۔ .They did not tell a lie

سوالیا جُملےInterrogative Sentences

سوالیا جُملے بناون واسطے اُصول:

سوالیا فقرات دی انگریزی بناون لئی Did فقرے دے شروع وچ آوے گا تے فاعل بعدوں پہلی فارم ورتی جاوے گی تے فیر مفعول توں مگروں سوالیا نشان ضرور لاؤنا اے۔

کیہ اکرم نے چاہ پیتی؟ ?Did Akram tell a lie

کیہ اوس نے خط لکھیا؟ ?Did she write a letter

کیہ میں بوہا کھولیا؟ ?Did I open the door

کیہ اوہناں نے جھوٹھ بولیا؟ ? Did they tell a lie

کجھ فقرے تھلے لکھے جا رہے نیں اوہناں دی انگریزی بناون دا جتن کرو۔

اسیں روٹی کھادی۔

اوہناں نے اپنا کم کیتا۔

اکرم نے چاہ نہیں پیتی۔

کیہ سارا نے سچ بولیا؟

اوس نے اپنا سبق یاد کیتا۔

شیزا نے کھانا نہیں پکایا۔

دھوبی نے کپڑے دھوتے۔

کیہ اُستاد نے سبھ پڑھیاراں نوں سزا دتی؟

Future Indefinite Tense

فعل مستقبل

ایہ اوہ فعل اے جہدے وچ آون والے زمانے وچ کم دا ہونا یاں کرنا وکھایا گیا ہوندا اے۔

جویں کہ

ناہید سکول جاوے گی۔

میں خط لکھاں گا۔

اوہ سانوں کہانی سُناون گے۔

چپڑاسی بوہا کھولے گا۔

پچھان: فقرے دے آخر وچ گا،گی،گے ،آئے گا

انگریزی بناون دا طریقا:

subject+will/shall+1st verb+ object

ایس زمانے وچ فاعل دے بعدshallیاں will آوے گا جس دا ورتارا انج ہووے گا۔

I,We دے نال shall آوے گا جد کہ باقی سبھ فاعل جویں کہ you,He,She,It,Any single or plural nounواحد یاں جمع دے فقریاں واسطے کسے ویناں لئی وی willدی ای ورتوں ہوئے گی۔

٭جے گل اُتے زو ر ہووے تے پک دے نال کم کرن یاں ہوون دا دسنا ہووے تاں فیر Iتے Weنال ویwill لایا جا سکدا اے۔

ہُن اسیں اپروکت بیان کیتے گئے اُصولاں مطابق فقریاں دی انگریزی بنانے آں:

ناہید سکول جاوے گی۔ ۔Naheed will go to school

میں خط لکھاں گا۔ ۔I shall write a letter

اوہ سانوں کہانی سُناون گے۔ ۔They will tell us a story

چپڑاسی بوہا کھولے گا۔ ۔The peon will open the door

فعل مستقبل دے منفی فقرات دی انگریزی

ایس واسطے سارے اُصول سادا جُملیاں والے ای رہن گے بس notدا وادھا آئے گا جویں کہ ایہ ویکھو:

subject+will not /shall not +1st verb+ object

ایس اُصول نوں موہرے رکھ کے انگریزی انج بناواں گے:

ناہید سکول جاوے گی۔ ۔Naheed will not go to school

میں خط لکھاں گا۔ ۔I shall not write a letter

اوہ سانوں کہانی سُناون گے۔ ۔They will not tell us a story

چپڑاسی بوہا کھولے گا۔ ۔The peon will not open the door

٭تُسیں ویکھیا کہ امدادی فعل نال صرف notلاون توں وکھ کوئی تبدیلی نہیں کیتی گئی اے۔

اپنے طو تے ایس دی ہور مشق کرو۔ٖ

سوالیا فقرات دی انگریزی بناون دے اُصول :

فعل مستقبل دے سوالیا فقریاں نوں انگریزی بناندیاں ہوئیاں صرف Willتے Shallنوں فقرے دے مُڈھ وچ لے آندے نیں بعدوں فاعل فیر پہلا ورب تے اوس توں مگروں مفعول آؤ ندا اے۔ایہ اُصول انج ہووے گا۔

? +Will/Shall+ subject+ 1st verb+ object

کیہ ناہید سکول جاوے گی؟ ?Will Naheed go to school

کیہ میں خط لکھاں گا؟ ?Shall I write a letter

کیہ اوہ سانوں کہانی سُناون گے؟ ?Will they tell us a story

کیہ چپڑاسی بوہا کھولے گا؟ ?Will the peon open the door

کجھ فقرے مثال وجوں دتے جا رہے نیں ایہناں وچوں سادا،نفی تے سوالیا فقرات وکھ وکھ کرو۔

اوہ شیر نوں نہیں مارن گے۔ .They will not kill a lion

کیہ اوہ پیدل سکول جاوے گی؟ ? Will she go to school on foot

اوہ ماڑیاں دی مددنہیں کرن گے۔ . They will not help the poor

کیہ میں اپنا سبق یاد کراں گا؟ .Shall I learn my lesson

اسیں کراچی نہیں جاواں گے۔ .We will not go to Karachi

اوہ اپنے ماپیاں دا کہنا مَنّے گا۔ .He will obey his parents

کیہ پڑھیار سخت محنت کرن گے؟ ?Will the students work hard

کجھ فقریاں دی انگریزی خُد بناون دا جتن کرو:

سورج مشرق توں نکلے گا۔

اسیں سکول نہیں جاواں گے۔

اوہ ایتھے آون گے۔

کیہ میں کار چلاواں گا۔

خالد چھلانگ لاوے گا۔

بال نہیں روئے گا۔

ماں کھانا پکائے گی۔

کیہ میں بوہا بند کراں گا؟

سارا کپڑے دھوئے گی۔

کیہ اوہ تیز نہیں دوڑے گا؟

اوہ چاہ پیون گے۔

میں تِتلی پھڑاں گا۔