آرمی چیف نوں ملازمت وچ وادھا سوچ سمجھ کے دِتا: وزیر اعظم

اسلام آباد( نمائندا رویل) آرمی چیف دی ملازمت وچ وادھے نوں پارلیمانی کمیٹی کول گھلیا گیا جس نوں سارے پارلیمنٹ ارکان نے منظور کر لیا اے تے ایس نوں وفاقی کابینا دے ارکان دے نال نال اپوزیشن جماعت نے وی منظور کر لیا اے۔مسلم لیگ (ن ) نے وی ایس نوں اتفاق نال اگے ودھایا اے جد کہ بلاول بھٹو دا آکھنا اے کہ ن لیگ تے حکومت مل کے کالھ کالھ وچ فیصلے کر رہے نیں۔اوہناں دا کہنا سی کہ پی پی پی آرمی چیف دی ملازمت وچ وادھے دی گل نوں مشروط طور تے من رہی اے ایس بارے مکمل قانون سازی دی لوڑ اے جد کہ حکومت ولوں وزیر اعظم عمران خان دا کہنا سی کہ اوہ ای کر رہے آں جو ملک دے حق وچ اے تے ایہ جو فیصلا ساریاں پارٹیاں نے کیتا اے ایس نوں بڑے غور فکر تے وچار وٹاندرے بعد ای منظور کیتا گیا اے۔حکومتی ترجمان فردوس عاشق اعوان دا کہنا سی کہ اسیں سبھ نے مل کے دُشمناں نوں نسانا اے اگلا اتفاق الیکشن کمیشن تے ہووے گا۔ اسیں عدلیا دا آدر کردے آں۔