اکارت سفر۔۔۔۔۔۔

ہر کوئی چاہندا اے

اوہنوں ڈھیر ترقیاں لبھن۔۔۔

اوہنوں تتّی واہ نہ لگّے۔۔۔۔

اسماناں توں اُچّا اُڈّے۔۔۔۔

دُکھ نوں کوئی راہ نہ لبھّے۔۔۔۔

ہر کوئی چاہوے۔۔۔

ڈھیر کمائیاں، اُجلی صحت۔۔۔۔

طاقت، شُہرت، عزت، چاہت۔۔۔۔

کھُلا پیسا، حوراں، جنّت۔۔۔۔

ایہدی خاطر۔۔۔

مسجد، مندر، گرجے،جاکے سیس نواندا۔۔۔۔

بھگتی کردا تے کرُلاندا۔۔۔۔۔

اپنے اپنے دیوتا نوں پھرِدا پرچاندا۔۔۔۔

لیکن میں تے ازل توں ایہوں ویکھ رہیا ہاں۔۔۔۔۔

بیماری، غربت، کمزوری۔۔۔۔۔

نفرت، ذِلّت تے بے چینی۔۔۔

کُکھ چوں ایہدے نال جمّے نیں۔۔۔

ایہدا توڑ، اُپا نہ کوئی۔۔۔۔

اوکھی منزل، نھیرا رستا۔۔۔

کسے تے گلہ نہ کوئی۔۔۔