نیب اجلاس: زرداری،نواز تے گیلانی دے خلاف کرپشن ریفرنس دی منظوری ------رویل نیوز

اسلام آبا(نمائندا رویل)۔چیئرمین نیب دی صدارت ہیٹھ ایگزیکٹو بورڈ اجلاس وچ اہم ریفرنسز دی منظوری دے دتی گئی اے۔ نیب اجلاس وچ سابق صدر آصف زرداری، نواز شریف تے یوسف رضا گیلانی دے خلاف کرپشن دے ریفرنس دی منظوری دے دتی گئی اے۔ملزماں اُتے’ توشہ خانہ‘ توں تحفے دیاں گڈیاں اونے پونے بھاء ونڈن دا الزام اے۔’توشہ خانہ‘ دیاں گڈیاں بارے نواز شریف تے یوسف رضا گیلانی کولوں پُچھ گچھ کیتی گئی اے۔جعلی اکاؤنٹس کیس تے ہریش اینڈ کمپنی کیس وچ ضمنی ریفرنس دایر کر دتا گیا، جدوں کہ نیب نے ضمنی ریفرنس وچ سابق صدر آصف علی زرداری نوں ملزم نامزد کر دتا۔ضمنی ریفرنس وچ آصف زرداری سنے 15ملزماں نوں نامزد کیتا گیااے۔