پچھلے 15مہینیاں وچ قرضیاں وچ 11ہزار 610ارب رُپئے وادھا ـــــــ رویل نیوز

اسلام آباد(نمائندا رویل )وزارت خزانا نے ڈیٹ پالیسی سٹیٹمنٹ 2019-20جاری کر دتی۔حکومت نے 15مہینیاں وچ قرضیاں وچ 11ہزار 610ارب رُپئے وادھے دا اعتراف کرلیا۔تفصیل دے مطابق وزارت خزانا دے مطابق قرضیاں وچ وادھا پہلی جولائی 2018توں 30ستمبر 2019دے دوران ہویا، قرضے تے واجبات معیشت دے 94اعشاریا 3فیصد تیکر اپڑ گئے، 15مہینیاں وچ حکومتی قرضیاں وچ 9ہزار 288ارب، مقامی حکومتی قرضیاں وچ 6ہزار 234ارب جدکہ غیر ملکی حکومتی قرضیاں وچ 2ہزار 802ارب رُپئے وادھا ہویا۔وزارت خزانا دے مطابق 30ستمبر 2019تیکر قرضیاں دا مجموعی بھار 41ہزار 489ارب رُپئے ہوگیا، 30جون 2018نوں ملک اُتے قرضیاں دا بھار 29ہزار 879ارب رُپئے سی۔