ڈاکٹراں دی ہدایت مگروں وی نواز شریف دا اپریشن نہ ہو سکیا ـــــــ رویل نیوز

لندن (اُچیچا نمائندا) ڈاکٹراں دی ہدایت مگروں وی نواز شریف دا اپریشن فیر نہ ہو سکیا، سابق وزیر اعظم نے اپریشن مریم نواز دی لندن آمد نال مشروط کر دتا۔تفصیل دے مطابق سابق وزیر اعظم نواز شریف دے اپنے ای ڈاکٹر رضوان آکھنا اے کہ سابق وزیر اعظم دے علاج وچ دیر صحت لئی بہت خطرناک ہو سکدی اے۔ ڈاکٹر عدنان نے ٹویٹ وچ آکھیا اے کہ نواز شریف دا کارنری انٹروینشن 30جنوری ہونا سی پر سابق وزیر اعظم دی خاہش سی کہ مریم نواز اوہناں کول ہون، ہن چھ فروری دی اپائنٹمنٹ وی موخر کر دتی گئی اے۔ نواز شریف نے آکھ دتا اے کہ مریم نواز لندن آ جان فیر ای اپریشن کراواں گا۔دوجس سے شہباز شریف نے وی مریم نواز نوں والد کول جان دی اجازت دین دی منگ کر دتی۔