kraamaat@gmail.com
+ +92 333-430-6384


موٹا بندا


ڈاکٹر شہلا نگار February 10, 2020



ریمنڈ کروّرRAYMOND CARVERدی کہانی "موٹا"/ ترجماکار:ڈاکٹر شہلا نگار

اپنی دوست ریٹا کول کافی تے سگریٹ پیندیاں ہوئیاں میں اوہنوں دسن لگا.جومیں اوہنوں دسیااوہ ایہ سی.
بدھ دا لیٹ شو سی جدوں اک موٹا آدمی میرے سٹیشن دی سیٹ تے آکے بیٹھا.ایہ موٹا بندا موٹا ترین سی.میں ایس توں موٹا بندا پہلے نہیں سی ویکھیا.اوہ کافی خش لباس تے صاف ستھرا نظر آرہیا سی.اوہدی ہر شے وڈی سی پر اوہدیاں انگلاں مینوں سبھ توں ودھ یاد سی.
جدوں میں اوہناں دے میز دے کول اک بڈھِے جوڑے نوں ویکھن لئی رُکیاتے میرا دھیان پہلے اوہدیاں انگلاں ول گیا۔اوہ عام انساناں دیاں انگلاں نالوں تن گناوڈیاں سن،لمیاں،موٹیاں تے ملائم اُنگلاں۔
میں دوجے میزاں ول ویکھیا،اِک چارکاروباری بندیاں دا گُرپ بہت مانگاں والے،اِک ہور چار داگروپ تِن بندے تے اِک زنانی تے ایہ اک بڈھا جوڑا۔
مالک میرے کولوں اوس موٹیبندینوں پانی دووندا رہیا تے میں موٹے بندے نوں کء وار پانی دتاکہ اوہداذہن بنے ایس توں پہلے کہ سبھ کجھ مک جاوے.
”شام دا سلام“میں بولیا کیہ' میں تہاڈی کیہ خدمت کر سکدا؟میں آکھیا
”ریٹا اوہ وڈا سی میرامطلب وڈا“
''شام دا سلام''اوہ بولیا........''ہیلو 'ہاں میرا خیال اسیں ہن آرڈر دین لء تیار آں ''اوہ بولیا.
اوہدا ایہ طریقہ سی بولن دا....... عجیب
”توں نہیں جاندی“اوہ اکثر تھوڑی واج کڈھدا سی۔
میرا خیال ایہ اسیں کیسر سلاد توں شروع کراں گے''اوہ بولیا
تے فر سوپ دے پیالے دے نال کجھ بہتی بریڈ تے مکھن جے توں کرسکیں تے مہربانی.بکری دیاں چانپاں تے نال چنگی طرحاں بیک کیتے آلو تے کھٹی کریم دے.
”مٹھے پکوان اسیں فر ویکھاں گے“
تیرا شکریا کہندیاں ہویاں اوہنے میرے ہتھ وچ کھانیاں دی فہرست دے دتی.
”اوہ خدایا...ریٹا...... پر اوہ انگلاں“
میں چھیتی نال کچن وچ گیا.تے آرڈر '' رڈی ''نوں دے دتاجنہے مونہ بنا کے اوہنو ں پھڑ لیا.
توں ”رڈی“نوں جاندی؟”رڈی“دا ایہو طریقاجدوں اوہ کم کردا۔ جدوں میں کچن وچوں باہر آیا ”مارگو“..........کیہ میں تینوں ”مارگو“بارے دسیا؟ ایہدا ”رڈی“نالوں بہتا فرق نہیں.مارگو نے مینوں کہیا تیرا موٹا دوست کون اے؟ اوہ واقعی موٹا اے.ہن ایہدا ایہ حصا سی میرے وچار وچ۔واقعی ای اوہدا حصا سی۔
میں سلاد بناکے اوہدے میز تے رکھیا۔وہ میری ہر حرکت ویکھ رہیا سی۔تے ایہدے وچ ای اوہنے ڈبل روٹی اُتے مکھن لایاتے اوہنوں اک پاسے رکھ دتا۔تے اوہ سارا ویلا واجاں کڈھدا رہیا۔بہر حال مینوں غصا چڑھیاتے میں اوہدا پانی دا گلاس ہتھ مار کے ڈیگ دتا۔
بڑی معذرت نال میں آکھیاانج اکثر اوس ویلے ہوندا جدوں کالھی ہوندی۔
بڑی معذرت نال میں کہیا...کیہ تسیں ٹھیک اوہ؟
میں کہیامیں ہنے ایہہ منڈے کولوں صاف کروادیناآں۔ کوئی گل نہیں۔
اوہنے کہیا کوئی مسئلا نہیں۔اوہنے فر کوئی مسئلا نہیں فکر نہ کرو.میں برا نہیں منایا۔اوہ ہسیاتے اوہنے ہتھ ہلایاجدوں میں ”لینڈر“نوں لین گیا۔تے جدوں میں واپس آیاسلاد دین لء می ویکھیاموٹے نے ساری ڈبل روٹی تے مکھن کھالیا سی.
تھوڑے چربعد میں ہور ڈبل روٹی لیا کے دتی اوہنے اپنا سلاد مکا لیا سی.تینوں پتا (سیزر)سلاد دا سائز؟
اوہنے کہیا توں بہت رحم دل ایں۔ایہ بریڈ بڑی ودھیا اے۔
شکریا....میں کہیا۔
ایہ بہت چنگی ایتے ایہ میں دل نال کہہ رہیا آں۔اسیں اونج بریڈ دا مزا نہیں لیندے۔
تسیں کتھے دے او...؟میں اوہدے کولوں پچھیا۔
مینوں نہیں لگدا پہلے کدی میں تہانوں ویکھیااے میں کہیا
اوہ ایہو جہیاانسان نہیں سی جنوں بھلیا جاسکیا۔
”ریٹا“ نے اک سنیکر رکھی”ڈینور“اوہنے آکھیا۔
میں ایس موضوع بارے کجھ نہیں کہ رہیا۔سگوں میں تجسس وچ آں۔
”سر“تہاڈا سوپ کجھ دیر وچ آجاوے گامیں آکھیا نال ای میں چار کاروباری بندیاں دی پارٹی نوں اخیرلی شکل دین ٹر گیا۔
بہت چاہیوان۔
جدوں میں سوپ دتا'میں ویکھیا ڈبل روٹی فر غائب ہو گء اے.اوہ ڈبل روٹی دا اخیرلا ٹکڑا اپنے مونہْ وچ پاندیاں اوہنے آکھیا۔
میرا یقین کرواسیں ہر ویلے انج نہیں کھاندے توں توں سانوں معاف کردئیں۔
”'مہربانی کرکے ایہدے بارے نہ سوچو“ میں کہیا......مینوں چنگا لگدا جدوں کوئی کھائے تے اوہنوں سواد وی آئے۔
''مینوں نہیں پتا''اوس نے کہیا.......خورے تسیں ایہنوں ایہہ آکھدے اوہ''
اوہنے اپنا نیپکن سیٹ کیتا تے چمچا چکیا۔
لینڈرکہیا....”ہائے میرے خدایا کنّا موٹا اے۔“
”ایہ اوہدے وس دی گل نہیں اے۔بکواس بند کر“میں بولیا۔
میں اک ہور ڈبل روٹی دا ٹکڑا تے مکھن لیا کے رکھ دتا.''سوپ کنج دا سی''میں پچھیا۔
شکریا.......چنگا سی.....بہت چنگا سی۔اوہنے اپنے بلھ تے تھوڑی صاف کیتی۔
کیہ ایتھے گرمی اییا مینوں لگ رہی اے؟
میں کہیا ”نہیں ایتھے گرمی اے“ہوسکدا ایاسیں اپنا کوٹ لاہ دیندے آں۔
”'ہاں بلکل اتارو بندے نوں ارام نال ہونا چاہیدا اے“میں بولیا۔
”ایہ ای حقیقت اے۔“
فیرمیں کجھ دیر بعد ویکھیا تے اوہنے حالے وی اوہنے کوٹ پایاہویا اے۔
وڈیاں پارٹیاں جو کھانا کھان آئیاں سن سبھ جا چکیاں سن تے بڈھا جوڑا وی جدوں تک میں اوس موٹے بندے نوں اوہدے چانپاں تے نال آلواں دے دتے سنے ڈبل روٹی تے مکھن.... دے۔
اوہ کلا رہ گیا سی۔
میں بہت ساری کھٹی کریم اوہدے آلواں اتے پاء تے اوہدی کھٹی کریم دے اتے بیکن تے چاوئز دھوڑیا.
کیہ سبھ کجھ ٹھیک اے'میں کہیا.....ہاں.... اوہ بولیا۔
بہت اچھے شکریا تے نک صاف کیتا۔
اپنے کھانے دا سواد لوومیں آکھیاتے اوہدے چینی دے بھانڈے دا ڈھکنا چکدیاں اوس دے اندر ویکھیا۔
اوہنے اپنی گردن ہلائی تے مینوں ویکھدا رہیاجدوں تک میں پچھے نہ ہٹیا۔
مینوں ہن لگ رہیا سی کجھ گڑبڑ اے.پر کیہ؟مینوں کجھ اندازا نہیں سی۔
کوء کنج اینا موٹا ہوندا اے؟اوہ تینوں ہورکمے لان لگا سی۔ہیریٹ بولیا۔
تینوں پتا ہیریٹ کون؟
مِٹھے وچ ساڈی سبز حلوے دی ڈش خاص اے.پڈنگ کیک ساس نال یاں چیز کیک'ونیلا آئسکریم یاں پائن ایپل شربت اے.میں بولیا ساں۔
اسیں تینوں دیر تے نہیں کروارہے؟نک صاف کردے تے فکر کرن والے انداز نال اوہ بولن لگا۔
”بلکل وی نہیں“ میں بولیا۔۔۔تسیں اپنا وقت لوو میں تہاڈے لئی ہور کافی لیانا جدوں تک تسیں اپنا ذہن بناندے او۔
”اسیں تہانوں سچ دسیے''اوہنے اپنی کرسی اگے کیتا“اسیں اسپیشل کھاواں گے''خورے اسیں ونیلاآئسکریم وی کھائییصرف تھوڑی چاکلیٹ سیرپ نال جے تسیں مہربانی کرو۔
اسیں دسیا سی ااسیں بھکھے آں ''اوہ بولیا۔
میں کچن ول.گیااوہدے مٹھے نوں ویکھن گیا.تے ''رڈی''بولیا.ہیریٹ دس رہیا سی توں اک موٹا بندا سرکس وچوں لیایا ایں کیہ ایہ سچ اے؟
”رڈی“نے اپنا ایپرن تے ٹوپی لائی ہوئی سی۔جے توں ویکھ سکیں کہ میرا مطلب کیہ اے؟
”رڈی“اوہ موٹا اے “میں آکھیا۔
”پر ایہ پوری کہانی نہیں“ رڈی صرف ہسیا۔
مینوں لگدا اوہنوں موٹاپا پسند... اوہ بولیا۔
چنگا اے توں اوہنوں باہر ویکھ آں ''جان ''تے ''رڈی''نوں آکھیاجو ہنے کچن وچ وڑیا سی۔
مینوں ساڑا ہورہیا ”رڈی“نے”جان“نوں کہیا۔
میں خاص ڈش نوں موٹے بندے دے ساہمنے رکھیا تے وڈے ونیلا آئسکریم دے پیالے نوں سنے چاکلیٹ سیرپ دے اِک پاسے۔
شکریا اوہنے آکھیا۔
”جی آیاں نوں“میں آکھیا تے میرے اُتے اک احساس طاری ہوگیا۔
”توں منیں یاں نہ منیں اسیں کدی انج نہیں کھادا“۔
میں جنّا مرضی کھالواں میرا وزن نہیں ودھدا پر میں چاہنا واں میرا وزن ودھے۔
”نہیں جی اسیں اپنی مرضی رکھدے نہیں ایتھے کوئی مرضی نہیں“
فر اوہنے چمچا چکیا تے کھان لگا۔
ہور کجھ،رِیٹا آکھیا سگریٹ سلگاکے کرسی نوں چک کے میز دے نیڑے کیتا۔
کہانی سوادی ہورہی رِیٹا دسن لگی۔
بس ختم ہور کجھ نہیں اوہنے اپنا مٹھا کھادا تء چلا گیاتے اسیں گھر ٹر گئی
رڈی تے میں۔
کجھ موٹا.........رڈی انگڑاء لین لگا فر اوہ دسیا تے ٹی وی ویکھن لگا۔میں چاہ بنان لء پانی آبلن لئی رکھیاتے نہان ٹر گیا۔میں اپنے ڈھڈ تء ہتھ رکھیا تے سوچیا جے میرے بچے ہون تے اوہناں وچوں اک اوہدے ورگا ہوویتے کیہ ہوئی گا.......اینا موٹا
میں پانی برتن وچ پایا۔کپ سجائے تے چینی دان،تیزی نال اٹھیاتے ٹرے رڈی کول لے آیا۔انج لگدا سی اوہ کجھ سوچ رہیااے۔رڈی نے کہیا جدوں میں بال سی اودوں دو ایسے موٹے بندیاں نوں جاندا ساں جوواقعی ای بہت موٹے سن۔
اومیریا ربّا!۔۔۔۔اوہ بہت ای موٹے سن مینوں اوہناں دے ناں یاد نہیں۔.اِک دا ناں موٹا سی۔اسیں اوہنوں موٹا کہندے سی.جو ساڈا گوانڈھی رہیا.اک میرا گوانڈھی سی تے دوجا بال جو بعد وچ آیااوہدا ناں ''تُھلتھلا''ای رکھ لو.اوہنوں سبھ ''تُھلتھلا ''کہندے سن اُستاداں نوں چھڈ کے....
کاش میرے کول اوہناں دی تصویر ہوندی۔
مینوں کہن نوں کجھ نہیں سُجھیااَتے اسیں اپنی چاہ پیتی تے نال ای میں اپنے بستر تے چلاگیا۔
رڈی وی اٹھیاتے اوہنے ٹی وی بند کیتا۔ساہمنے دا بوہا بند کیتا فر قمیض دے بٹن کھولنے شروع کیتے میں بستر اُپر پے گیا، بستر دے بلکل کنارے تے پُٹھاہوکے لیٹ گیا۔
اوسے ویلے رَڈی نے بَتّی بند کیتی تے بستر وچ آگیامیں وی لک دے بھار ہویا تے سکون ملیا۔
ایہہ میری چاہ دے خلاف پر گل ایہ وے کہ جدوں رڈی میرے کول آندا تے مینوں لگدا اے میں موٹا آں اینا موٹا کہ رڈی اک نکّی جہی شے اے.جو بڑی اوکھی نظر آؤندی اے۔
ایہہ اک مزاحیا کہانی ایریٹا نے کہیا پر میں ویکھ سکدا سی کہ اوہنوں نہیں پتاسی ایہدا کیہ کیتا جائے۔
میں ذہنی دباؤ محسوس کرن لگاپر میں اوہنوں نہیں دساں گا.میں تے پہلے ای بہت کجھ اوہنوں دس چکیا ساں۔
اوہ اودھر بیٹھی اڈیک رہی سی.اوہ اودھر اپنیاں پتلیاں اُنگلاں نال والاں نوں چھیڑدے بیٹھی اُڈیک رہی.میں جاننا چاہواں گا۔
کس شے نوں اُڈیک رہی سی۔
ایہ اگست اے میں محسوس کرنا واں میری حیاتی بدلن والی اے۔