kraamaat@gmail.com
+ +92 333-430-6384


انتلی واج


نوید شہزاد February 16, 2020


صدیاں ورگیے ! تُوں آپنے آپ نوں

ساڈے لہو دے اُتے لکھ دے

اسیں آ پنی جند دے اک اک پل نوں

صدیاں صدیاں کر کے جینا اے

صدیاں ورگیے ! ساڈے وڈیاں نے اک واری

بدل اُتے اُگیاں کنکاں وڈھیاں سن

اج وی ساڈیاں روٹیاں،

تَویاں اُتے کُھر جاندیاں نیں

تُوں ایہ کُھریاں روٹیاں جوڑ دے

جو میں تینوں دیندا پیا ہاں،

ایس اخیری واج دے ورگے

تُوں ساڈے تَویاں دے اُتے

کجھ اکھر بے رُتے لکھ دے

ساڈے لہو دے اُتے لکھ دے

ہاں ہاں لہو دے اُتے لکھ دے

تُوں سبھ صدیاں ۔۔۔۔۔ صدیاں ورگیے!