kraamaat@gmail.com
+ +92 333-430-6384
نمائندا رویل
February 16, 2020
علی انور احمد ہوراں دا بارھواں کہانی پراگا" وکھریویں توں بعد " پنجابی مرکز لاہور ولوں شائع ہو گیا ------رویل نیوز لاہور ( نمائندا رویل) کنگن پور وسدے کہانیکار تے ناول کار علی انور احمد ہوراں دا کہانی پراگا " وکھریویں توں بعد" اوہناں دا بارھواں کہانی پراگا اے۔ ایس توں وکھ اک ناول "شکارن" تے نظماں دی کتاب " اکھ سمندر ہوئی " وی چھپ چُکی اے۔" انھے کھوہ دے قیدی " دے سرناویں ہیٹھ بالاں لئی کہانیاں دی کتاب وی چھپی اے۔آپ نوں مسعود کھدر پوش ایوارڈ،شارق نظامی ایوارڈ،شیر محمد سہوتہ ایوارڈ، شفقت تنویر مرزا ایوارڈ توں وکھ جگت پدھر تے جانیا جاون والا " ڈھاہاں ایوارڈ" وی مل چُکے نیں۔آپ دی کہانی وچ پنجاب جیندا جاگدا ویکھیا جا سکدا اے اوہناں نے اپنے وسیب دے دُکھاں سُکھاں نوں بڑے سوہنے انداز نال بیان کیتا اے۔ایس کہانی پراگے وچ بارھاں کہانیاں نیں کُل صفحے 110 تے مُل 300 روپے اے ایس کتاب نوں پنجابی مرکز لاہور ولوں سوہنی دَکھ نال چھاپیا گیا اے۔
