پی ایس ایل 5وچ وی پنجابی وچ کمنٹری ہونی چاہیدی:وہاب ریاض ______رویل نیوز

لاہور(نمائندا رویل) قومی فاسٹ باؤلر وہاب ریاض نے قومی کبڈی ٹیم نوں ورلڈ کپ جِتن دی مبارکباد دیندے ہوئے آکھیا اے کہ پاکستان کول کوئی وی ٹایٹل آئے ایہدے توں ودھ خشی دی گل کوئی نہیں۔قومی کھڈاری وہاب ریاض نے میڈیا نال گل بات کردے ہوئے آکھیا کہ کبڈی دے ورلڈ کپ دوران پنجابی وچ کمنٹری توں بہت متاثرا ہویا واں۔ کبڈی پنجابیاں دا کھیڈ ااے تے کبڈی میچاں دوران جدوں پنجابی وچ کمنٹری ہو رہی سی تے بہت چنگا لگ رہیا سی۔ اوہناں نے آکھیا کہ پنجابی وچ کمنٹری سُن کے ای میں مشورا دِتا سی کہ پاکستان سپر لیگ (پی ایس ایل) دے میچاں وچ وی پنجابی وچ کمنٹری ہونی چاہیدی۔