وزیر اعظم نے حج خرچے وچ کمی کر دتی _____رویل نیوز

اسلام آباد(نمائندا رویل) وزیر اعظم عمران خان نے حج برائے سال 2020دے خرچیاں وچ ہزاراں رُپئے دی کمی کر دتی۔تفصیل دے مطابق وزیر اعظم دی ہدایت اُتے وفاقی کابینا نے سال 2020دے حج خرچیاں وچ کمی دی باقاعدا منظوری دے دتی اے۔دسیا گیا اے کہ وفاقی کابینا دی منظوری مگروں چالو ورھے پاکستانی حاجیاں نوں 34ہزار رُپئے دی بچت ہوئے گی۔وزارت مذہبی امور نے حج خرچا 5لکھ 50ہزار کرن دی سمری گھلی سی، جہنوں رد کر دتا گیا اے۔وفاقی کابینا نے ہُن حج دا ودھ توں ودھ خرچا چار لکھ 90ہزار رُپئے تیکر کرن دی اجازت دِتی اے۔