پنجاب دے شہراں وچ ماں بولی دیہاڑ اُتے پنجابی زبان لاگو کرن لئی ریلیاں ٭مُڈھلی تعلیم ماں بولی وچ دیون دی منگ،راولپنڈی،لاہور،جھنگ،رحیم یار خان،فیصل آباد،ساہیوال،شیخوپورہ،ملتان توں وکھ کئی شہراں وچ ریلیاں ____ رویل نیوز

پنجاب دے شہراں وچ ماں بولی دیہاڑ اُتے پنجابی زبان لاگو کرن لئی ریلیاں ٭مُڈھلی تعلیم ماں بولی وچ دیون دی منگ،راولپنڈی،لاہور،جھنگ،رحیم یار خان،فیصل آباد،ساہیوال،شیخوپورہ،ملتان توں وکھ کئی شہراں وچ ریلیاں ____ رویل نیوز

(لاہور (اُچیچا نمائندا)عالمی ماں بولی دیہاڑ تے بارھاں کروڑ لوکائی دی زبان دے بنیادی حقاں واسطے ریلیاں کڈھیاں گئیاں ایہناں ریلیاں دا مقصد اپنی ماں بولی پنجابی وچمُڈھلی تعلیم دیون دا حق منگنا سی۔ریلیاں وچ رلت کرن والیاں نے پلے کارڈ تے بینرز چُکے ہوئے سن جہناں تے ماں بولی وچ تعلیم دیون توں وکھ ماں بولی نال موہ تے پیار ودھاون والے قول لکھے ہوئے سن۔ایہناں ریلیاں وچ بالاں تے سوانیاں توں وکھ پڑھیاراں دی اک وڈی تعداد نے وی رلت کیتی جو ایہ کہہ رہے ہوون کہ سانوں ساڈی ماں بولی وچ تعلیم دیو۔پڑھیاراں نے ماں بولی راہیں تعلیم دین دی منگ کیتی تے سوجھواناں دانشوراں دی وڈی تعداد نے اپنی زبان نال محبت کرن تے ایس دی ترقی واسطے جتن کرن دی اہمیت نوں دسیا۔اِکی فروری نوں پنجاب دے ہر وڈے چھوٹے ضلعے وچ ماں بولی دیہاڑ مناونا ایس گل دی وی نشاندہی کردا اے کہ لوکائی نوں اپنی بولی توں کوئی وی دُور نہیں رکھ سکدا اے تے ہر کھیتر نال جُڑے بندے نوں اپنی زبان دی اہمیت دا چانن ہو رہیا اے۔ایہ جاگرتا آون والے چنگے ویلے دی دس پاندا اے۔