وزیراعظم دے معاون خصوصی افتخار درانی دا استعفامنظور ـــــــ رویل نیوز

اسلام آباد (بیورو رپورٹ) وزیراعظم دے معاون خصوصی افتخار درانی اپنے منصب توں مستعفی ہو گئے‘ وزیراعظم عمران خان نے استعفا منظور کر لیا۔ وسیلیاں مطابق وزیراعظم دے معاون خصوصی افتخار درانی نے اپنے عہدے توں مستعفی ہون دی تصدیق کردیاں ہویاں کہیا کہ میں اپنے عہدے توں استعفا دے دِتا اے اپنی پارٹی دی قیادت عمران خان اُتے مکمل بھروسا تے اعتماد اے کجھ وجھاں دی بنیاد اُتے خدمتاں ہور جاری نہیں رکھ سکدا پر پارٹی لئی اپنیاں خدمتاں انجام دیندا رہواں گا۔ افتخار درانی دے مستعفی ہون دے بعد وزیراعظم نے معاون خصوصی دا استعفا منظور کر لیا۔ افتخار درانی دا شمار وزیراعظم دے نیڑلے سنگیاں وچ ہوندا اے۔ افتخار درانی نے پاناما کیس‘ فاٹا الیکشن وچ پارٹی ولوں بھرواں کردار ادا کیتا۔