فواد ، پنجاب سرکار خلاف نواز شریف دا موڈھا استعمال نہ کرن۔نواز شریف دیاں رپورٹاں سدھے ڈھنگ نال جمع کروائیاں: طلال ــــ رویل نیوز

لاہور (نیوز ڈیسک) مسلم لیگ (ن) دے آگو طلال چودھری نے کہیا اے کہ فواد چودھری پنجاب سرکار دے نال اپنا ذاتی حساب برابر کرن لئی نواز شریف دے موڈھے اُتے بندوق رکھ کے نہ چلان۔ نواز شریف دیاں میڈیکل رپورٹاں دے حوالے توں فواد چودھری دے ٹویٹ دے جواب وچ ن لیگی آگو نے کہیا کہ نواز شریف دیاں ساریاں رپورٹاں عدالت دے واضع کردا طریقا کار دے مطابق جمع کروائیاں گئیاں‘ فواد چودھری دا بیان نواز شریف نہیں پنجاب حکومت دے خلاف اے‘ اوہناں نے پنجاب سرکار‘ یاسمین راشد تے سروسز ہسپتال دے ڈاکٹراں نُوں جھوٹھا تے فراڈ متھ دِتا‘ فواد چودھری پنجاب حکومت نال اپنا ذاتی حساب برابر کرن لئی نواز شریف دے موڈھے اُتے بندوق رکھ کے نہ چلان۔