عمران مافیا ڈرامے کر کے اپنی چوری نہیں لُکا سکدا,لوکائی جاندی اے مہنگائی عمران مافیا نے کیتی اے: مریم اورنگزیب _____رویل نیوز

اسلام آباد (نیوز ڈیسک) ن لیگی آگو مریم اورنگزیب نے کہیا اے کہ عمران مافیا ڈرامے تے ٹویٹ کر کے اپنی چوری نہیں لُکا سکدا۔ پاکستان مسلم لیگ (ن) دی ترجمان مریم اورنگزیب نے وزیراعظم عمران خان دے بیان اُتے ردِ عمل دا اظہار کردیاں ہویاں کہیا کہ عمران صاحب لوکائی دے نال نال صبح صبح فجر دے ویلے وی جھوٹھ‘ عمران مافیا ڈرامے تے ٹویٹ کر کے اپنی چوری نہیں لُکا سکدا‘ عمران مافیا ولوں قیمتاں ودھان اُتے مسلسل توجا دین دے نتیجے وچ سبزیاں دیاں قیمتاں وچ واضح وادھا ہوی ااے‘ عمران صاحب ٹویٹ صبح کرن‘ دن وچ‘ شام یاں رات نُوں پر جھوٹھ تے جھوٹ ای رہندا اے‘ لوکائی جاندی اے کہ دانستا طور اُتے مہنگائی عمران مافیا نے کیتی اے۔