پی ایس ایل 5 واسطے گیت علی ظفر بناون گے ـــــ رویل نیوز
نمائندا رویل
February 26, 2020
اسلام آباد (بیورو رپورٹ) مداحاں دی پرزور فرمایش اُتے پی ایس ایل دے چالو سیزن لئی گانا بنان والے علی ظفر نے ترانے دی ویڈیو لئی ڈانس سٹیپس جاری کر دِتے۔ ٹویٹر اُتے علی ظفر نے اپنے اِک پیغام وچ مداحاں نُوں دَسیا کہ پی ایس ایل 5 دا ترانا تیار ہو گیا اے تے شائقین دے کول وی موقع اے کہ اوہ ایس گانے وچ شامل ہو سکدے نیں تے سٹار بن سکدے نیں۔ اوہناں نے مداحاں نُوں مخاطب کردیاں ہویاں کہیا کہ گانا تے تیار اے ہنُ ویڈیو دی واری اے۔ اوہناں نے کہیا کہ گانا اوہناں نے بنایا اے‘ ویڈیو شائقین بنان گے۔ اوہناں نے ٹویٹر صارفین نُوں کجھ ڈانس سٹیپس دَسے نیں جہناں اُتے عمل کردیاں ہویاں اوہ ویڈیو بنا کے علی ظفر دے مخصوص ای میل ایڈریس اُتے گھلن گے۔
