محمد حنیف صاحب نوں ہُن غلط فہمی اے کوئی

محمد حنیف صاحب نوں ہُن غلط فہمی اے کوئی اج پنجابی زبان دے حق لئی سارے پڑھے لکھے جہناں داذکر محمد حنیف صاحب کر رہے اپنے بالاں نال پنجابی بولدے نیں۔ہر گھر وچ پنجابی زبان تے کلچر دی چرچا ہوندی ہے دن دیہاڑ ویاہ شادی اُتے پنجابی گیت تے پنجابی بھنگڑے پیندے نیں۔

ایہ اک بیمار سوچ سی جہڑی محمد حنیف ورگیاں''پنجابی'' انگریزی اردو دے لکھاریاں عام پنجابی بول چال تے لکھن پڑھن نوں گھراں وچ پابندی جان بُجھ کے لگوائی، ایہ دھرو اردو والیاں نال رل کے پنجابی افسر شاہی نے وی کیتا تے الزام لاند ے رہے کہ اسیں پنجابی آپ بالاں نال گھراں چ پنجابی نہیں بولدے.... کیوں نہیں بولدے سن ایہدی وجھا نوکر شاہی سی،،،، نوکریاں اردو انگریزی نوں جدوں ونڈیاں گیاں تے پنجابی بالاں دے ذہن چ بٹھا دتا گیا کہ پنجابی بولن نال ان پڑھ لگو گے کیوں جے پڑھے لکھے تے افسر وغیرہ تے اردو انگریزی بولدے نیں۔

ایہ کمتر احساس ساڈے وچ 70 ورھیاں توں پیدا کیتا جاندا رہیاتے ایسے سازش نال سانوں وی ساڈی ماں بولی توں دور رکھ کے ساڈے نال زیادتی کیتی جاندی رہی۔

ایس توں وکھ ساڈے بالاں نوں سرکاری سکولاں وچ لازمی طور تے ساڈی ماں بولی نہیں پڑھائی گئی اوہ وی ایسے سازش دی وجہوں کہ عام تے غریب پنجابیاں دے بچے وی کتے پڑھ لکھ کے افسر نہ بن جاون۔ہُن وی کجھ اجہے لوک اوہی پرانی مثال دے کے کہ بئی تسیں پنجابی تے اپنے گھراں وچ وی پنجابی نہیں بولدے ایس کر کے پنجابی زبان دی توہین ہو رہی۔

محمد حنیف صاحب ہُن اوہ گلاں نہیں رہیاں،نہ اوہ پرانے ہتھ کنڈے چلنے.... اسیں پنجابی زبان نوں برا مندا ٓکھن والے نال نبڑاں گے تے آپنے حق لئی احتجاج کراں گے۔۔۔

اج اک گل یاد کر لوو کجھ ورھیاں توں ہر پنجابی ماں تے پیو اپنے بالاں نال گھراں وچ وی پنجابی بولدے نیں، پنجابی کسے وی کمپلیکس دا شکار نہیں نیں... جے کر بھلیکھا جے تے آ جاؤ ساڈے گھراں وچ،سروے کرو تے پچھو کہ کیہ واقعے ای پابندی اے پنجابی بولن وچ.... جواب آوے گا نہیں ساڈے ماں پیو سانوں پنجابی بولن توں نہیں ہوڑدے۔خدا دا واسطا جے سانوں ساڈا(تہاڈا ویلا) پچھلا پُن پُن مارو... اسیں تہاڈے ورگے نہیں آں جہناں پنجابی زبان (اپنی ماں دی بولی) نوں ہمیشا نندیا تے نقصان وی دوجیاں توں ودھ اپڑایا۔