لیگی رہنما شاہد خاقان عباسی تے احسن اقبال اڈیالا جیل توں رہا _____ رویل نیوز

راولپنڈ(نمائندا رویل )۔لیگی رہنما شاہد خاقان عباسی تے احسن اقبال اڈیالا جیل توں رہا۔۔تفصیل دے مطابق مسلم لیگ ن دے رہنما شاہد خاقان عباسی تے احسن اقبال نوں ضمانتی مچلکے جمع کروان مگروں راولپنڈی دی اڈیالا جیل توں رہا کر دتا گیا اے۔سابق وزیر اعظم شاہد خاقان عباسی دی رہائی لئی اک کروڑ رُپئے دے ضمانتی مچلکے راجا وقار ممتاز نے احتساب عدالت وچ جمع کروائے جہدے مگروں جج اعظم خان نے رہائی دی روبکار جاری کر دتی۔دوجے پاسے نارووال سپورٹس سٹی کیس وچ احسن اقبال دی رہائی لئی اک کروڑ دے ضمانتی مچلکے انجم عقیل خان نے جمع کروائے۔احتساب عدالت دے جج محمد بشیر نے ضمانتی مچلکے جمع کروان مگروں احسن اقبال دی رہائی دا حکم دتا۔