کرونا وایرس کارن ”مشل امپاسبل7“ دی شوٹنگ معطل ـــــ رویل نیوز

وینس (نیوز ڈیسک) اٹلی وچ کرونا وایرس دے خوف کارن ہالی ووڈ سپر سٹار ٹام کروز دی فلم ”مشن امپاسبل 7“ دی شوٹنگ منسوخ کر دِتی گئی۔ ہالی ووڈ پروڈکشن کمپنی پیرا ماؤنٹ پکچر ز نے اٹلی دے شہر وینس وچ فلم دی عکس بندی لئی 3 ہفتیاں دا شیڈول طے کیتا سی پر کرونا وایرس دے خطرے دے پیش نظر فلم دی شوٹنگ منسوخ کر دِتی گئی اے۔ پروڈکشن انتظامیا دا کہنا اے کہ فلم دی شوٹنگ اپنے عملے تے کاسٹ دی حفاظت لئی احتیاطی تدبیراں نُوں اختیار کردیاں ہویاں منسوخ کیتی گئی اے۔ سٹوڈیو انتظامیا ولوں ہور کہیا گی ااے کہ عملے نُوں شوٹنگ شروع ہون تک واپس گھلیا جا رہیا اے۔ ایہدے علاوا اسیں اٹلی وچ صورتحال اُتے نظر رکھ رہے آں تے حکومت تے صحت دے عملے دے نال رَل کے کم کر رہے آں۔