لاہور قلندرز اُتے تنقید کرکٹ ویکھن والیاں دا حق: غلطیاں ہوئیاں‘ اوہ فیصلے نہیں کیتے جہڑے کرنے چاہیدے سن  محمد حفیظ ٭ رویل نیوز

لاہور (این ایل آئی) پاکستان سپر لیگ دی ٹیم لاہور قلندر دے محمد حفیظ نے کہیا اے کہ پرفارمنس چنگی نہیں ہووے گی تے تنقید تے غصا کرنا شائقین کرکٹ دا حق اے۔ اِک انٹرویو وچ محمد حفیظ نے کہیا کہ ٹیم نے میچ جتیا ہووے تے اوہدے وچ بلے باز دا حصا بھاویں 10 سکور وی ہووے تے جت چنگی لگدی اے پر جدوں بیٹسمین نے سنچری ای کیوں نہ بنائی ہووے تے ٹیم میچ ہار جاوے تے اوہدا مزا نہیں آندا۔ اوہناں نے کہیا کہ میچ وچ غلطیاں ہوئیاں‘ بہتر فیصلے نہیں کیتے جہڑے سانوں کرنے چاہیدے سن‘ میچ وچ اہم موقع ملے پر اوہناں توں فایدا نہیں چُکیا جا سکیا۔ اوہناں نے کہیا کہ میچ وچ کھڈاریاں نے چنگی پرفارمنس دِتی‘ امدی اے ایس تسلسل نُوں کھڈاری برقرار رکھن گے تے اپنا اپنا حصا وی پان گے‘ خُشی اے کہ شائقین دی اِک وڈی گنتی سٹیڈیم آئی۔