پاکستانیاں دی محبت نے ہاشم آملا دا دل جت لیا،زلمی توں بہتر ی دی اُمید اے ٭ رویل نیوز

لاہور (نمائندا رویل) پاکستانیاں دے بے پناہ پیار نے ہاشم آملا دا دل جت لیا‘ پچھلے پروٹیز بیٹسمین دا کہنا اے کہ اپنے ٹور ز نال بھرویں انداز وچ لطف اندوز ہویا جد کہ سیکیورٹی دے وی کوئی مسئلے نظر نہیں آئے۔ پاکستان کرکٹ دی نجی ویب سائٹ دے پروگرام وچ گلبا کردیاں ہویاں ہاشم آملا نے کہیا کہ 2007 وچ جنوبی افریقا ٹیم دی ٹیسٹ سیریز دے بعد 2 سال پہلاں ورلڈ الیون دے نال پاکستان آیا سی‘ ایتھے ملن والے بے پناہ پیار اُتے لوکائی دا شکر گزار آں‘ ایس وار پی ایس ایل لئی آمد اُتے وی دورے نال بھرواں لطف اندوز ہو رہیا آں‘ ہوٹل توں باہر جان تے پروہنکاری دا لطف چُکن دا موقع مِلیا‘ معاملات نُوں پروفیشنل انداز وچ ویکھیا جا رہیا اے‘ بطور مینٹور خدمتاں حاصل کرن والی پشاور زلمی نے وی بڑی گرمجوشی نال استقبال کیتا تے بڑی عزت دِتی۔