پی ایس ایل دے ہر گانے دی حوصلا افزائی کیتی جاوے: علی عظمت

کراچی (نمائندا رویل) پی ایس ایل سیزن 5 دا آفیشل گانا ”تیار ہیں“ گان والے گلوکار علی عظمت نے کہیا اے کہ سانوں بطور قوم پی ایس ایل دے ہر گانے دی حوصلا افزائی کرنی چاہیدی اے۔ پی ایس ایل سیزن 5 دا آفیشل گانا ریلیز ہوندیاں ای لوکاں نے گانے نُوں سوشل میڈیا اُتے رَد کر دِتا سی تے ایہ معاملا اوس ویلے جھیڑے دی صورت اختیار کر گیا سی جدوں گلوکار علی عظمت نے اِک پروگرام وچ الزام لایا کہ علی ظفر نے پیسے دے کے بلاگرز خریدے تے جان بُجھ کے گانے اُتے تنقید کراوئی۔ ایس معاملے نُوں ہور ہوا اوہدوں ملی جدوں علی عظمت دے الزام دے جواب وچ علی ظفر نے اِک ویڈیو بیان جاری کیتا تے طنزیا انداز وچ کہیا کہ جے تہاڈا گانا لوک پسند نہیں کر رہے تے اوہدا ذمے دار میں آں۔