گوگل،فیس بک تے ٹویٹر نے پاکستان وچ سروس بند کرن دی دھمکی دے دتی ــــ رویل نیوز

گوگل،فیس بک تے ٹویٹر نے پاکستان وچ سروس بند کرن دی دھمکی دے دتی ــــ رویل نیوز اسلام آبا)نمائندا رویل)گوگل،فیس بک تے ٹویٹر نے پاکستان وچ سروس بند کرن دی دھمکی دے دتی۔ وزیر اعظم عمران خان نوں خط راہیں آکھیا گیا اے کہ سروس بند ہون نال 70ملین ورتیندڑ متاثر ہون گے، جہدے اُتے حکومت نے قانون اُتے عمل درآمد روکن دا فیصلا کرلیا۔ میڈیا رپورٹس دے مطابق وزیر اعظم پاکستان نوں ایشیائی انٹرنیٹ کولیش گروپ دا سوشل میڈیا ریگولیشن دے حوالے نال خط ملیا اے۔خط وچ حکومت نوں دسیا گیا اے کہ پاکستان وچ سوشل میڈیا بارے نویں قانون اُتے عمل اے آئی سی لئی مشکل اے۔خط وچ ہور آکھیا گیا اے کہ قانون نال عام ورتیندڑ تے کاروباری بندے وی متاثر ہون گے۔ گوگل، فیس بک تے ٹویٹر سروس بند ہون نال 70ملین لوک متاثر ہون گے۔دوجے پاسے دسیا گیا اے کہ خط مگروں وفاقی حکومت نے اجے نویں سوشل میڈیا قانون اُتے عمل درآمد روکن دا فیصلا کرلیا اے۔