گھٹ آمدن والیاں لئی چنگی خبر،راشن خریدن وچ حکومت مدد کرے گی ـــــــــــ رویل نیوز

اسلام آباد(نمائندا رویل)وزیر اعظم عمران خان دی صدارت ہیٹھ اجلاس وچ فیصلا کیتا گیا اے کہ 25ہزار رُپئے توں گھٹ آمدن والے بندیاں نوں راشن مُل لین وچ حکومت مدد کرے گی۔وسیلیاں دے مطابق فیصلے توں پہلاں وزیر اعظم نے سارے محکمیاں کولوں بریفنگ لئی تے آؤندے بجٹ وچ راشن خریدن لئی پیسے رکھن دا فیصلا کیتا۔ حکومت آٹا، چینی ، دال تے گھیو مُل لین وچ مدد کرے گی۔ایس بارے وزارت خزانا تے معاشی ٹیم نوں اُچیچی ہدایت جاری کیتی گئی اے۔ وزیر اعظم دا اجلاس نال خطاب کردے ہوئے آکھنا سی کہ ایس ملک وچ کوئی بُھکھا نہیں سوئے گا۔ اوہناں نے آکھیا کہ پچھلیاں حکومتاں ایس طبقے دا احساس نہیں کردیاں سن، چالو حکومت سفید پوش طبقے دا سہارا بنے گی۔